Foto: lada.kz
Mańǵystaý oblysynda avtotasymaldaýshy jeńil kólikpen soqtyǵysyp, tórt adam qaza tapty, - dep habarlaidy Tengrinews.kz saity Lada.kz saityna silteme jasap.
Qaiǵyly oqiǵa 25 aqpanda saǵat 11:42 shamasynda Sai-Ótes-Beineý tasjolynyń 383-shaqyrymynda bolǵan. Aldyn ala málimet boiynsha, Toyota Camry júrgizýshisi qarsy jolaqqa shyǵyp ketip, soqtyǵysqan. Saldarynan kólik otqa orandy.
Oblystyq Densaýlyq saqtaý basqarmasy málimetinshe, tórt adam oqiǵa ornynda qaza bolǵan. Taǵy bir jábirlenýshi Beineý aýdandyq aýrýhanasyna jatqyzyldy.
"Naýqas mi jaraqatyn alǵan, san súiegi diafiziniń jabyq synýy, sol qoldyń eki súieginiń ashyq synýy, ókpe jaraqaty. Naýqastyń jaǵdaiy turaqty, aýyr. Esin biledi, suraqtarǵa durys jaýap beredi. Jaraqattarǵa bailanysty barlyq emdeý sharalary jalǵasyp jatyr. Jaǵdaiy turaqtalǵannan keiin naýqasty oblystyq aýrýhanaǵa meditsinalyq aviatsiia arqyly jetkizý josparlanǵan", - dedi Densaýlyq saqtaý basqarmasy ókilderi.
