فوتو: lada.kz
ماڭعىستاۋ وبلىسىندا اۆتوتاسىمالداۋشى جەڭٸل كٶلٸكپەن سوقتىعىسىپ, تٶرت ادام قازا تاپتى, - دەپ حابارلايدى Tengrinews.kz سايتى Lada.kz سايتىنا سٸلتەمە جاساپ.
قايعىلى وقيعا 25 اقپاندا ساعات 11:42 شاماسىندا ساي-ٶتەس-بەينەۋ تاسجولىنىڭ 383-شاقىرىمىندا بولعان. الدىن الا مەلٸمەت بويىنشا, Toyota Camry جٷرگٸزۋشٸسٸ قارسى جولاققا شىعىپ كەتٸپ, سوقتىعىسقان. سالدارىنان كٶلٸك وتقا وراندى.
وبلىستىق دەنساۋلىق ساقتاۋ باسقارماسى مەلٸمەتٸنشە, تٶرت ادام وقيعا ورنىندا قازا بولعان. تاعى بٸر جەبٸرلەنۋشٸ بەينەۋ اۋداندىق اۋرۋحاناسىنا جاتقىزىلدى.
"ناۋقاس مي جاراقاتىن العان, سان سٷيەگٸ ديافيزٸنٸڭ جابىق سىنۋى, سول قولدىڭ ەكٸ سٷيەگٸنٸڭ اشىق سىنۋى, ٶكپە جاراقاتى. ناۋقاستىڭ جاعدايى تۇراقتى, اۋىر. ەسٸن بٸلەدٸ, سۇراقتارعا دۇرىس جاۋاپ بەرەدٸ. جاراقاتتارعا بايلانىستى بارلىق ەمدەۋ شارالارى جالعاسىپ جاتىر. جاعدايى تۇراقتالعاننان كەيٸن ناۋقاستى وبلىستىق اۋرۋحاناعا مەديتسينالىق اۆياتسييا ارقىلى جەتكٸزۋ جوسپارلانعان", - دەدٸ دەنساۋلىق ساقتاۋ باسقارماسى ٶكٸلدەرٸ.
