Mańǵystaý oblysynda bir jarym ai buryn joǵalyp ketken jigit áli tabylmady, - dep habarlaidy Tengrinews.kz portaly "Lada" basylymyna silteme jasap.
Azamat Sadýaqastyń týystary kómek suraidy. Ol 10 tamyzda Aqtaýdaǵy 16 shaǵynaýdan, № 42 úidegi páterinen shyǵyp ketken. Ústinde qara sholaq shalbar, fýtbolka jáne qara aiaq kiim bolǵan.
Azamattyń týystary politsiiaǵa ol joǵalyp ketkeni týraly aryzdy 22 tamyzda jazǵan. 11 qyrkúiekte Mańǵystaýdaǵy aýylda Azamatqa uqsaityn bir adam tentirep júrgenin aitqan. Týystary birden sol aýylǵa barǵan, alaida jigit tabylmaǵan.
Artynsha politsiia 15 shaǵynaýdanda sýǵa batyp ketken adamnyń sýretin kórsetken. Alaida týystary ol Azamatqa uqsamaitynyn aitqan. Týystary máiitti qaraýǵa máiithanaǵa bardy. Máiit 17 kún jatqannan keiin jerlengen eken.
Búginde Azamattyń týystary DNQ genetikalyq saraptamasynyń nátijesin kútip otyr.
Kelesi aida Azamat Sadýaqasov 25-ke tolady. Ol shamamen bir jyl buryn úilengen.
Týystary Azamat Sadýaqasty kórgen adamdar myna telefon nomerlaryna habarlasýdy suraidy: 87029587191 jáne 87753285512.
