Memleket basshysynyń tapsyrmasyn oryndaý maqsatynda quqyq qorǵaý organdary qylmys deńgeiin tómendetý jáne eldegi qoǵamdyq qaýipsizdik pen quqyqtyq tártipti qamtamasyz etý jóninde keshendi sharalar qabyldaýda.
«Osy sharalar aiasynda, búgin, 29 shildede Ulttyq qaýipsizdik komiteti, Ishki ister ministrligimen birlese otyryp Mańǵystaý oblysynda uiymdasqan qylmystyq top músheleriniń zańǵa qarsy áreketteriniń jolyn kesý boiynsha aýqymdy arnaiy operatsiia bastady», - dep habarlady QR Bas prokýratýrasynyń baspasóz qyzmeti.
Uiymdasqan qylmystyq top músheleriniń birqatar aýyr jáne asa aýyr qylmystardy jasaýǵa, onyń ishinde adam óltirýge jáne urlaýǵa, aqsha qarajatyn bopsalaýǵa qatystary bar. Bul toptar qarýlanǵan, uiymshyldyǵy jáne dórekiligimen erekshelenedi.
Turǵyndardyń ómiri men densaýlyǵynyń qaýipsizdigin qamtamasyz etý maqsatynda arnaiy operatsiia júrgizýge Ulttyq qaýipsizdik jáne Ishki ister organdarynyń arnaiy jasaq kúshteri men quraldary tartyldy.
Azamattardy áleýmettik jelilerde taraýy múmkin arandatýshylyqqa ermeýge jáne úreilenbeýge, sondai-aq zańsyz áreketterge barmaýǵa shaqyramyz. «Jaǵdai quqyq qorǵaý organdarynyń tolyq baqylaýynda. Arnaiy operatsiianyń qorytyndysy jurtshylyq nazaryna jetkiziletin bolady», - delingen QR Bas prokýratýranyń habarlamasynda.
