Mańǵystaýda 30 maýsymnan beri kún ystyq bop tur. Qazir óńirdiń kei jerlerinde synap baǵanasy 46 gradýsqa deiin kóterilgen. Al, topyraq betindegi temperatýra 52 gradýs, dep habarlaidy "Ult aqparat".
Sinoptikterdiń aitýynsha, óńirde temperatýranyń kúrt kóterilýi keń aýqymdy antitsiklonnyń yqpalyna bailanysty.
Ystyq tek apta sońyna qarai basylady. Qazir qala mańyndaǵy jaǵajailarda ine shanshar oryn joq. Turǵyndar aptap ystyqtan sýǵa shomylyp qorǵanyp júr.
Aita keteiik, byltyr da osyndai aýa raiy bolǵan. Ásirese, oblys mańynan alys jatqan aýdandarda eń joǵarǵy temperatýra tirkelip otyr.
«1 shilde kúni Qaraqiia aýdany +45+46 gradýs, Mańǵystaý +44,+45 gradýs tirkeldi. Atalǵan qubylysqa qatysty aptap ystyq bolatyny jóninde sinoptikter aldyn ala eskertti. Bul ystyq aldaǵy ýaqytta saqtalady. 3 shilde kúni +37+42, kei jerlerde +46 gradýs, al, 4 shilde azdaǵan tómendeý bolady, +34,+39 shamasynda. Kei jerlerde +43 gradýsqa bolady dep kútiledi», - deidi Qazgidromettiń óńirlik filialynyń jetekshi injener-sinoptigi Dinara Iliasova.
