ماڭعىستاۋدا 30 ماۋسىمنان بەرٸ كٷن ىستىق بوپ تۇر. قازٸر ٶڭٸردٸڭ كەي جەرلەرٸندە سىناپ باعاناسى 46 گرادۋسقا دەيٸن كٶتەرٸلگەن. ال, توپىراق بەتٸندەگٸ تەمپەراتۋرا 52 گرادۋس, دەپ حابارلايدى "ۇلت اقپارات".
سينوپتيكتەردٸڭ ايتۋىنشا, ٶڭٸردە تەمپەراتۋرانىڭ كٷرت كٶتەرٸلۋٸ كەڭ اۋقىمدى انتيتسيكلوننىڭ ىقپالىنا بايلانىستى.
ىستىق تەك اپتا سوڭىنا قاراي باسىلادى. قازٸر قالا ماڭىنداعى جاعاجايلاردا ينە شانشار ورىن جوق. تۇرعىندار اپتاپ ىستىقتان سۋعا شومىلىپ قورعانىپ جٷر.
ايتا كەتەيٸك, بىلتىر دا وسىنداي اۋا رايى بولعان. ەسٸرەسە, وبلىس ماڭىنان الىس جاتقان اۋدانداردا ەڭ جوعارعى تەمپەراتۋرا تٸركەلٸپ وتىر.
«1 شٸلدە كٷنٸ قاراقييا اۋدانى +45+46 گرادۋس, ماڭعىستاۋ +44,+45 گرادۋس تٸركەلدٸ. اتالعان قۇبىلىسقا قاتىستى اپتاپ ىستىق بولاتىنى جٶنٸندە سينوپتيكتەر الدىن الا ەسكەرتتٸ. بۇل ىستىق الداعى ۋاقىتتا ساقتالادى. 3 شٸلدە كٷنٸ +37+42, كەي جەرلەردە +46 گرادۋس, ال, 4 شٸلدە ازداعان تٶمەندەۋ بولادى, +34,+39 شاماسىندا. كەي جەرلەردە +43 گرادۋسقا بولادى دەپ كٷتٸلەدٸ», - دەيدٸ قازگيدرومەتتٸڭ ٶڭٸرلٸك فيليالىنىڭ جەتەكشٸ ينجەنەر-سينوپتيگٸ دينارا ٸلياسوۆا.
