Foto: Lada.kz
Mańǵystaý oblysynyń Túpqaraǵan aýdanyndaǵy Fort-Shevchenko qalasy men Qyzylózen, Atash, Baýtino aýyldarynyń mańynda júrgizilgen monitoring jumystary kezinde qustardyń óli deneleri anyqtaldy, dep habarlaidy Lada.kz.
Bul týraly Mańǵystaý oblystyq orman sharýashylyǵy jáne janýarlar dúniesi aýmaqtyq inspektsiiasy málim etti. Tekseris jumystaryna aýmaqtyq inspektsiianyń, balyq inspektsiiasynyń jáne tabiǵatty qorǵaý politsiiasynyń qyzmetkerleri qatysty.
Zertteý barysynda jaǵalaýdyń ártúrli bólikterinen 13 óli qus tabylǵan. Olardyń arasynda úirekter, sýquzǵyndar jáne shaǵalalar bar. Degenmen, ólekselerdiń jaǵdaiy nashar bolǵandyqtan, taldaý úshin úlgi alý múmkin bolmaǵan.
Inspektsiia aýdan ákimdigine tiisti qyzmetter arqyly qus denelerin joiý jáne shyǵarý qajettigi týraly habarlama joldady. Sonymen qatar, eger aldaǵy ýaqytta taldaýǵa jaramdy úlgiler tabylsa, zertteý júrgizý úshin veterinariialyq qyzmet mamandary tartylmaq.
Qazirgi ýaqytta jaǵalaý aýmaǵynda monitoring jumystary jalǵasyp jatyr.
Aita keteiik, buǵan deiin Kaspii teńizi jaǵalaýynan 183 óli itbalyq tabylǵan bolatyn.
