Mańǵystaýda energetikalyq mekemelerdiń basshylary men laýazymdy tulǵalary bar qylmystyq topqa qatysty qylmystyq is qozǵaldy, dep habarlaidy "Ult aqparat" QR QM Qarjy monitoringi komitetiniń baspasóz qyzmetine silteme jasap.
«QR QM Qarjy monitoringi komitetiniń Mańǵystaý oblysy boiynsha Ekonomikalyq tergeý departamenti quramynda Mańǵystaý oblysynyń birqatar energetikalyq mekemeleriniń basshylary men laýazymdy tulǵalary bar qylmystyq topqa qatysty qylmystyq is qozǵady» dep habarlaidy vedomstvodan.
Tergeý barysynda UQT músheleriniń ótken jyldyń naýryzynan qazan aralyǵynda energetika salasynda arnaiy bilimi bar mamandardy paidalana otyryp, Munaily jáne Jańaózen qosalqy stantsiialarynda esepke almaityn shinalarda esepteletin kerneý jáne toq tizbekterin iirýdi iske asyrǵan. Bul rette, «Mangistaýenergo» MKK direktory astyrtyn kómek kórsetken.
«MAEK-Kazatomprom» JShS, «Mangistaýenergo» MKK, «Ózenenergoservis» MKK qyzmetkerleri men basqa tulǵalarǵa qatysty QR Qylmystyq kodeksiniń 7 baby boiynsha is qozǵalyp, sotqa joldandy. Barlyǵy 9 adam aiyptalýda.
UQT músheleri keltirgen zalaldyń jalpy somasy 500 mln. teńgeden asady. Zalaldy óteý maqsatynda 110 mln. teńgeden astam somaǵa aiyptalýshylardyń múlikteri men bank shottaryna tyiym salynǵan.
