Mańǵystaýda amal merekesin toilaý keiinge shegeriledi. Bul týraly oblys ákiminiń orynbasary Qanybek Jumashev óńirlik kommýnikatsiia ortalyǵynda ótken brifingte málimdedi, dep habarlaidy "Ult aqparat".
11 naýryzda Dúniejúzilik densaýlyq saqtaý uiymy COVID-19 jańa koronavirýstyq infektsiiasyna bailanysty pandemiia jariialady. El prezidenti Qasym-Jomart Toqaev Qazaqstanda koronavirýstyń taralýyna jol bermeý jóninde naqty mindetter qoidy. Osyǵan orai, QR Premer-Ministriniń orynbasary Eraly Toǵjanov BAQ ókilderine arnaiy brifing ótkizip, qabyldanǵan sharalar týraly habardar etti.
Úkimet qabyldaǵan sheshimge sáikes, 13-14 naýryz kúnderi «Adai Ata – Otpan taý» rýhani tarihi-mədeni kesheninde ótetin shara keiinge shegerildi. Sharada kiiz úiler tigilip, 5000-ǵa jýyq adam jinalatyndyqtan, túrǵyndardyń qaýipsizdigin qamtamasyz etý úshin osyndai sheshim qabyldandy.
«Amal merekesi – tatýlyqtyń, kelisimniń meiramy. Eń birinshi kezekte adamnyń densaýlyǵy mańyzdy ekenin túsinýimiz kerek. Sondyqtan oiymyz bir jerden shyǵyp, aýyzbirshiligimizdi kórseteiik. Túsinistikpen qaraýlaryńyzdy suraimyz», - dedi sóz sońynda Q.Jumashev.
Aimaqtaǵy adam kóp jinalatyn mádeni sharalardyń barlyǵy toqtatyldy.
