Aqyn Svetqali Nurjannyń "Baba túkti boz dala" dep atalatyn shyǵarmashylyq keshi ótti, - dep habarlaidy "Ult aqparat" Mańǵystaý oblysy ákiminiń baspasóz qyzmetine silteme jasap.
Keshe aitýly aqyn, "Qurmet" ordeniniń kavaleri, "Eren eńbegi úshin" medaliniń iegeri Svetqali Nurjannyń "Baba túkti boz dala" dep atalatyn shyǵarmashylyq keshi ótti. Shara aqynnyń biyl 55 jasqa tolýyna orai uiymdastyryldy.
Jyr keshine aqynnyń ónerdegi zamandastary men qalamdos inileri, jergilikti jazýshylar qatysyp, Mańǵystaý halqyn rýhani sóz ónerimen sýsyndatty.
Ádebiet súier qaýymǵa etene tanys aqyn, Memlekettik syilyqtyń laýreaty Iranbek Orazbaev, filologiia ǵylymdarynyń kandidaty Eýraziia ýniversietiniń dotsenti Ońaigúl Turjan, T.Aibergenov atyndaǵy syilyqtyń laýreaty, Qazaqstan Respýblikasy Jastar odaǵy syilyǵynyń jáne Memlekettik syilyqtyń, Halyqaralyq "Alash" ádebi syilyǵynyń laýreaty Gúlnár Salyqbaeva, filologiia ǵylymdarynyń doktory, L.N.Gýmilev atyndaǵy Eýraziia ulttyq ýniversitetiniń professory Janat Aimuhambet, dástúrli ánshi Gúlmira Sarina, Qazaqstannyń eńbek sińirgen qairatkeri, "Daryn" memlekettik jastar syilyǵynyń iegeri Aigúl Qosanova sekildi belgili adamdar shyǵarmashylyq keshke arnaiy keldi. Rýhani keshti aqyn Janat Aimuhambet pen aqyn-jýrnalist Erbol Alshynbai júrgizdi.
Sharada sóz alǵan oblys ákimi Eraly Toǵjanov: "Sózdiń kiesi qurmettelgen mereili de mártebeli, rýhani keshke kýá bolyp otyrmyz. Qazaq úshin sóz - kie, jyr - namys, óleń - ómirdiń máni. Svetqali Nurjan poeziiasyna boilaǵan saiyn "Rýhani jańǵyrý" úderisin júzege asyrýda taptyrmas qural baryna kóziń jete túsedi. Svetqali óz jyrlarynda ultty birlikke jeteleidi. Osy baǵdarlama aiasynda, aqyn shyǵarmalarynyń tolyq jinaǵyn shyǵarýdy qolǵa alǵanymyz durys. Kelesi jyly, Astanamyzdyń 20 jyldyǵy aiasynda aqynnyń keshin Elordanyń tórinde ótkizgenimiz jón. Svetqali shyǵarmashylyǵyn nasihattaýdaǵy sharanyń biri - "Han kegi" dastanynyń sahnalanýy bolmaq. Bul baǵyttaǵy ázirlik jumystary bastalyp ketti, buiyrsa, 2018 jyldyń aqpan aiynyń basynda spektakldiń premerasy ótpek. Ádebiet áleminde ózindik qoltańbasy bar qalamger, qoǵamda eldik ideiasy bar aqyn!", - dedi.
Ulttyq rýhty tanytyp, túp-tamyrymyzdy jyrlaǵan qalamgerdiń keshi araǵa jiyrma jyl salyp ótip otyr. Saǵyndyryp ótkizgen keshinde aqyn sahnaǵa shyǵyp óz týyndylaryn oqydy. Keshke jiylǵan qaýym qoshemet kórsetip, jyr keshi iesine degen qurmetpen tarasty.
