Fort-Shevchenko qalasynda 3 tonnaǵa jýyq bekire balyǵyn úiinde saqtaǵan turǵyn anyqtaldy, dep habarlaidy "Ult aqparat".
Mańǵystaý oblystyq politsiia departamentiniń baspasóz qyzmetiniń habarlaýynsha, Túpqaraǵan aýdandyq politsiia bóliminiń kezekshi pýltine Fort-Shevchenko qalasynda jekemenshik úide bekire tuqymdas balyqty zańsyz saqtaý deregi týraly habarlama kelip túsken.
Tintý is-sharalaryn júrgizý barysynda jeti tońazytqyshtan jalpy salmaǵy 2 tonna 730 keli bolatyn 633 dana bekire balyǵy tabyldy.
«Politsiia qyzmetkerleri balyqty tárkiledi. Atalǵan fakti boiynsha QR QK 339-baby 3-bóligi boiynsha qylmystyq is qozǵaldy», - delingen baspasóz habarlamasynda.
Qazirgi ýaqytta sotqa deiingi tergeý amaldary júrgizilýde.
