«Nur Otan» patriiasy tóraǵasynyń birinshi orynbasary Baýyrjan Baibek óńirlerge sapar barysynda Aqtaýda boldy. Bul týraly ol óziniń jelidegi paraqshasynda jazdy, dep habarlaidy "Ult aqparat".
«Oblystyq onkologiialyq ortalyqtyń jańa ǵimaratyn aralap kórdim. Qurylysy 2008 jyldan beri sozylyp kele jatqan bul ortalyq byltyr shildedegi saparymda partiialyq baqylaýǵa alynǵan bolatyn. Zamanaýi diagnostikalyq keshenniń paidalanýǵa berilýi qaterli isik aýrýlaryn bastapqy satysynda anyqtaý men emdeýdiń tiimdiligin arttyrady. Jergilikti biliktiń málimetinshe, qajetti jabdyqtardy jetkizý taiaý ýaqytta aiaqtalady. Ortalyq ujymymen kezdesip, jaýapty jumystaryna tabys tiledim.
Sonymen birge óńirdegi partiiaishilik prairemizge qatysýshylarmen, sondai-aq jurtshylyqpen jáne úkimettik emes uiymdar ókilderimen de kezdestim. Bas qosýda partiianyń oblystyq sailaýaldy baǵdarlamasyn talqyladyq, onymen primaries.kz saitynan tolyǵyraq tanysýǵa bolady. «Halyq únine qulaq asatyn memleket» tujyrymdamasy aiasynda bul qujatqa turǵyndardyń usynystary engiziledi. Máselen, Mańǵystaý oblysy boiynsha 770-tei usynys jinalyp, olardyń 411-i baǵdarlama jobasyna kirgizildi», - dedi B. Baibek.
Sonymen qatar, ol «QazAzot» kásipornyna bardy.
«Memleket basshysy Q.K. Toqaevtyń el halqyna Joldaýynda aitylǵan aýyl sharýashylyǵyna ozyq tehnologiialardy endirý jónindegi tapsyrmasyn eskerip, «QazAzot» kásipornyna bardym. Bul – qazaqstandyq aýyl sharýashylyǵymen ainalysýshylar mineraldy tyńaitqysh retinde keńinen paidalanatyn ammiak pen amiiak selitrasyn óndiretin elimizdegi jalǵyz kásiporyn.
Aqtaýdyń ónerkásiptik áleýetin arttyrý jáne jańa jumys oryndaryn ashý úshin zaýytty jobalyq qýattylyǵyn jylyna 400 myń tonna mineraldy tyńaitqyshqa deiin ulǵaita otyryp modernizatsiialaý josparlanýda.
Elbasy bastamashylyq etken respýblikalyq «BizBirgemiz» aktsiiasyna qatysqandary úshin kásiporyn ujymyna alǵys aittym. Pandemiia kezinde QazAzot qyzmetkerleri oblystaǵy aýrýhanalar men statsionarlarǵa ottegi ballondaryn óteýsiz toltyrýdy qamtamasyz etken bolatyn», - dep tolyqtyrdy patriia tóraǵasynyń birinshi orynbasary.
Sondai-aq, B.Baibek Aqtaý jáne Jańaózen qalalaryndaǵy 6 myńnan astam muqtaj otbasyǵa qarjylyq qoldaý kórsetý jónindegi tapsyrmasynyń oryndalý barysyn tekserdi. Osy tólemderdi qosqanda jyl ishinde Mańǵystaý oblysynda 28 myńnan astam otbasy 50 myń teńgeden aldy, bulardyń qatarynda qart adamdar, erekshe qajettiligi bar azamattar jáne basqalary bar.
.jpeg)