Mańǵystaý oblysy halqynyń 6%-y ataýly áleýmettik kómek alýshylar qatarynda, dep habarlaidy "Ult aqparat".
MO Jumyspen qamtýdy úilestirý jáne áleýmettik baǵdarlamalar basqarmasynyń basshysy Qýanysh Berishbaevtyń aitýynsha, óńirde 707 742 adam turady. Onyń 6%-y ataýly áleýmettik kómekke zárý. Onyń ishinde Munaily aýdany boiynsha kedeishilik sheginen tómen ómir súretinder sany 11%, Beineý aýdany boiynsha - 10%. Mańǵystaý aýdany boiynsha - 7%-dy qurap otyr.
«Biz buǵan deiin de aityp júrmiz, ataýly áleýmettik kómek alatyndardy turaqty jumysqa ornalastyryp, sondai-aq, kásipkerlikpen ainalysý úshin birjolǵy tólemder berý arqyly kedeishilik sheginen shyǵaryp jiberý sharalaryn alýymyz kerek», - deidi Qýanysh Berishbaev.
