Erekshe qus Jańaózendegi munai ken oryndarynyń birinde videoǵa túsirildi. Beinerolikke Ekologiia, geologiia jáne tabiǵi resýrstar ministrliginiń baspasóz qyzmetinde túsinikteme berdi, dep habarlaidy "Ult aqparat" lada.kz saityna silteme jasap.
Ekologtardyń túsindirýinshe, bul qus – qarabai, ushyp qaitý kezinde Mańǵystaý oblysyndaǵy aǵyn sýlar aýmaǵynda kezdesedi. Qazirgi kezde olar munai kásipornynan ushyp ketti.
Qarabai – tumsyǵy uzyn, doǵa tárizdes, kólemi ortasha qus. Jaz mezgilinde kúńgirt qyzyl-qońyr tústi, mańdaiy, tóbesi, arqasy jáne qanattary jasyl, kúlgin tústi bolady. Qysta astyńǵy jaǵy qońyr, kúlgin tústi bolsa, basy men moiynynyń joǵarǵy bóligi topyraq tústes-kúńgirt bolyp, qaýyrsyndarynyń túsi aq bolady.
Atalyǵy analyǵynan basyndaǵy aidarymen erekshelenedi (analyǵynda mundai aidar bolar-bolmas kórinedi nemese múldem bolmaidy), tumsyǵy azdap qana imek, kólemi de basqa. Siraqtary jasyl-qara tústi, tumsyǵy, kóziniń jan-jaǵy jasyl-kúńgirt tústi.
Qarabai – Kaspiidiń soltústik jaǵalaýy men Jaiyq pen Oral saǵasynda uia salady. Buryn Syrdariianyń tómengi jaǵyn, Torǵai jáne Ile saǵasyn mekendegen. Shoshqakól kólin de meken etýi múmkin. Batys Qazaqstan men Kóshimniń tómengi jaǵynda, Mańǵyshlaq pen Ústirtte ushyp-qonady. Naýryzym qoryǵyna (1986 jáne 1989 jyly kóktemde), Qorǵaljyn (1971 jyldyń 7 sáýirinde) jáne Ile saǵasyna (1983 jyldyń 23 sáýirinde 30 qus) ushyp qonǵany belgilengen, dep baiandady ekologtar.
