Mańǵystaý oblysynyń burynǵy ákimi Serikbai Trumov senat depýtaty bolyp taǵaiyndaldy. Bul týraly Aqordanyń resmi saitynan málim boldy.
"Memleket basshysynyń Jarlyǵy boiynsha Serikbai Ótelgenuly Trumov Qazaqstan Respýblikasy Parlamenti Senatynyń depýtaty bolyp taǵaiyndaldy", - delingen habarlamada.
Aita keteiik, Trumov 2019 jyldan 2021 jylǵa deiin Mańǵystaý oblysynyń ákimi qyzmetin atqardy. Onyń ornyna energetika ministri bolǵan Nurlan Noǵaev keldi. Al energetika ministri qyzmetine buryn ekologiia, geologiia jáne tabiǵi resýrstar ministri bolǵan Maǵzum Myrzaǵaliev taǵaiyndaldy.
Jańa depýtat týraly ne bilemiz?
Serikbai Ótelgenuly Trumov 1964 jyly dúniege keldi. Gýrev oblysy Fort-Shevchenko qalasynda týǵan.
1992 jyly injener-qurylysshy mamandyǵy boiynsha V.I.Lenin atyndaǵy Qazaq politehnikalyq institýtyn bitirgen.
Eńbek joly: 1981-1990 jyldary «Mańǵyshlaqaýylqurylys-12» tresinde betonshy bolyp jumys istegen.
1990-1994 jyldary – «Mańǵyshlaqaýylqurylys-12» tresinde uiymdastyrý bóliminiń meńgerýshisi; Qazaqstan LKJO Fort-Shevchenko qalalyq komitetiniń birinshi jáne ekinshi hatshysy, oqý-óndiristik kombinatynyń oqytýshysy.
1994-1995 jyldary – Túpqaraǵan aýdandyq máslihatynyń bas mamany.
1995-2004 jyldary – «Túpqaraǵan» JShS jetekshi injeneri, bólim bastyǵy, direktory.
2004-2006 jyldary – Mańǵystaý oblysy Túpqaraǵan aýdanynyń ákimi.
2006-2008 jyldary – Mańǵystaý oblysy ákiminiń orynbasary.
2008-2012 jyldary – Mańǵystaý oblysy Túpqaraǵan aýdanynyń ákimi.
2012-2015 jyldary – Mańǵystaý oblysy Jańaózen qalasynyń ákimi.
2015-2017 jyldary – Aqtaý qalasynyń ákimi.
2017 jyly qarasha aiynda 6-sailanǵan Mańǵystaý oblystyq máslihatynyń hatshysy bolyp sailandy. 6-sailanǵan Mańǵystaý oblystyq máslihatynyń № 6 sailaý okrýginiń depýtaty.
2019 jyldyń maýsym aiynan beri Mańǵystaý oblysynyń ákimi qyzmetin atqaryp keldi.
«Eren eńbegi úshin», «QR Parlamentine 10 jyl» jáne «Qazaqstan Respýblikasynyń táýelsizdigine 20 jyl» medaldarymen jáne 2016 jyly «Qurmet» ordenimen marapattalǵan.
