ماڭعىستاۋ وبلىسىنىڭ بۇرىنعى ەكٸمٸ سەرٸكباي ترۇموۆ سەنات دەپۋتاتى بولىپ تاعايىندالدى. بۇل تۋرالى اقوردانىڭ رەسمي سايتىنان مەلٸم بولدى.
"مەملەكەت باسشىسىنىڭ جارلىعى بويىنشا سەرٸكباي ٶتەلگەنۇلى ترۇموۆ قازاقستان رەسپۋبليكاسى پارلامەنتٸ سەناتىنىڭ دەپۋتاتى بولىپ تاعايىندالدى", - دەلٸنگەن حابارلامادا.
ايتا كەتەيٸك, ترۇموۆ 2019 جىلدان 2021 جىلعا دەيٸن ماڭعىستاۋ وبلىسىنىڭ ەكٸمٸ قىزمەتٸن اتقاردى. ونىڭ ورنىنا ەنەرگەتيكا مينيسترٸ بولعان نۇرلان نوعاەۆ كەلدٸ. ال ەنەرگەتيكا مينيسترٸ قىزمەتٸنە بۇرىن ەكولوگييا, گەولوگييا جەنە تابيعي رەسۋرستار مينيسترٸ بولعان ماعزۇم مىرزاعاليەۆ تاعايىندالدى.
جاڭا دەپۋتات تۋرالى نە بٸلەمٸز?
سەرٸكباي ٶتەلگەنۇلى ترۇموۆ 1964 جىلى دٷنيەگە كەلدٸ. گۋرەۆ وبلىسى فورت-شەۆچەنكو قالاسىندا تۋعان.
1992 جىلى ينجەنەر-قۇرىلىسشى ماماندىعى بويىنشا ۆ.ي.لەنين اتىنداعى قازاق پوليتەحنيكالىق ينستيتۋتىن بٸتٸرگەن.
ەڭبەك جولى: 1981-1990 جىلدارى «ماڭعىشلاقاۋىلقۇرىلىس-12» ترەسٸندە بەتونشى بولىپ جۇمىس ٸستەگەن.
1990-1994 جىلدارى – «ماڭعىشلاقاۋىلقۇرىلىس-12» ترەسٸندە ۇيىمداستىرۋ بٶلٸمٸنٸڭ مەڭگەرۋشٸسٸ; قازاقستان لكجو فورت-شەۆچەنكو قالالىق كوميتەتٸنٸڭ بٸرٸنشٸ جەنە ەكٸنشٸ حاتشىسى, وقۋ-ٶندٸرٸستٸك كومبيناتىنىڭ وقىتۋشىسى.
1994-1995 جىلدارى – تٷپقاراعان اۋداندىق مەسليحاتىنىڭ باس مامانى.
1995-2004 جىلدارى – «تٷپقاراعان» جشس جەتەكشٸ ينجەنەرٸ, بٶلٸم باستىعى, ديرەكتورى.
2004-2006 جىلدارى – ماڭعىستاۋ وبلىسى تٷپقاراعان اۋدانىنىڭ ەكٸمٸ.
2006-2008 جىلدارى – ماڭعىستاۋ وبلىسى ەكٸمٸنٸڭ ورىنباسارى.
2008-2012 جىلدارى – ماڭعىستاۋ وبلىسى تٷپقاراعان اۋدانىنىڭ ەكٸمٸ.
2012-2015 جىلدارى – ماڭعىستاۋ وبلىسى جاڭاٶزەن قالاسىنىڭ ەكٸمٸ.
2015-2017 جىلدارى – اقتاۋ قالاسىنىڭ ەكٸمٸ.
2017 جىلى قاراشا ايىندا 6-سايلانعان ماڭعىستاۋ وبلىستىق مەسليحاتىنىڭ حاتشىسى بولىپ سايلاندى. 6-سايلانعان ماڭعىستاۋ وبلىستىق مەسليحاتىنىڭ № 6 سايلاۋ وكرۋگٸنٸڭ دەپۋتاتى.
2019 جىلدىڭ ماۋسىم ايىنان بەرٸ ماڭعىستاۋ وبلىسىنىڭ ەكٸمٸ قىزمەتٸن اتقارىپ كەلدٸ.
«ەرەن ەڭبەگٸ ٷشٸن», «قر پارلامەنتٸنە 10 جىل» جەنە «قازاقستان رەسپۋبليكاسىنىڭ تەۋەلسٸزدٸگٸنە 20 جىل» مەدالدارىمەن جەنە 2016 جىلى «قۇرمەت» وردەنٸمەن ماراپاتتالعان.
