Ulttyq qaýipsizdik komiteti Mańǵystaý oblysynda áskeri qyzmetin ótep júrgen sarbaz óliminiń aldyn ala sebebin atady, dep habarlaidy Sputnik Qazaqstan.
"Aldyn ala aqparat boiynsha, sýitsidtiń sebebi áskeri qyzmet ótkerýmen bailanysty emes otbasylyq-turmystyq problemalar bolǵan", - delingen habarlamada.
Vedomstvo málimetinshe, quqyq qorǵaý organdary qajetti tergeý amaldaryn júrgizýde.
Esterińizge sala keteiik, 4 maýsymda áskeri boryshyn ótep júrgen 19 jasar sarbaz asylyp qaitys boldy. Qaiǵyly oqiǵa Mańǵystaý oblysyndaǵy, Beineý shekara beketinde bolǵan. Sarbazdyń máiiti búgin tańǵy 5 shamasynda asýly turǵan kúiinde tabylǵan.
Qatardaǵy jaýyngerdiń qoiyn dápterinen, ata-anasyna, aǵalary men týystaryna arnalǵan jeke-jeke jazba tabylǵan.
Sonymen qatar Prezident Qasym-Jomart Toqaev Qazaqstan armiiasyndaǵy áskeri qyzmetshiler arasynda ólim-jitimniń jiilegenine erekshe nazar aýdardy.
"Memleket basshysy osyndai keleńsizdikterdiń sebebin tergep-tekserý, áskeri qyzmetshiler arasyndaǵy zańsyzdyqtardy joiý jáne keleshekte áskerdegi mundai teris is-áreketterdi boldyrmaý úshin óziniń kómekshisi – Qaýipsizdik Keńesiniń hatshysy Ǵizat Nurdáýletovtiń basshylyǵymen arnaiy komissiia qurýdy tapsyrdy", - dep habarlady Prezidenttiń baspasóz qyzmeti.
