Mańǵystaý oblysyndaǵy qýańshylyq máselesin sheshý úshin óńir qazynasynan 200 mln teńge bólindi. Bul týraly Aýyl sharýashylyǵy basqarmasynyń basshysy Serik Qaldyǵulov málim etti, dep habarlaidy "Ult aqparat".
Onyń aitýynsha, shilde aiynan bastap 5 aýdanǵa azyq satyp alynady.
«Kelesi aidan bastap jyl sońyna deiin Mańǵystaý oblysynyń 5 aýdanyna 2200 tonna azyq satyp alynady. Bólingen qarjy «Kaspii» ÁKK arqyly igeriledi. Al kórshi óńirlerdiń jekemenshik ieleri 15 maýsymnan bastap shóp jetkizýge daiyn», - dedi Serik Qaldyǵulov.
Oblys ákiminiń tapsyrmasy boiynsha, sharýa qojalyqtary úshin jem-shóp daiyndaý naýqany jedel bastaldy.
Aimaq ákimdigi Qostanai, Batys Qazaqstan jáne Aqtóbe oblystarymen jem-shóp jetkizý, sondai-aq jaiylymdar men shabyndyqtardy paidalaný jóninde kelissózder júrgizýde. Aqtóbe oblysynyń aýdandarymen kelisimder bar. Olar – Aqtóbe oblysynyń Alǵa, Baiǵanin, Mártók, Muǵaljar, Qobda, Temir aýdandary.
