Bloger Azamat Sársenbaev Mańǵystaý oblysyndaǵy kólde aqqýlardyń óleksesi jatqanyn málimdedi, - dep habarlaidy Tengrinews.kz portaly.
Azamat Sársenbaev áleýmettik jelidegi paraqshasynda Aqtaýdan 10 shaqyrym jerdegi Qarakól kóliniń jaǵasynda túsirilgen kadrlardy jariialady.
"Aqqý ómirde bir ret qana jup bolady, qosaǵy ólse, jalǵyz aqqý saǵynyshtan óledi" deidi. Eger osy qisyndy ustanatyn bolsaq, Mańǵystaý óńirinde biylǵy qysta tym kóp aqqýdyń júregi jaralanǵany.
Al eger shyndyǵyn aitsaq, bul jaǵdaidyń aýqymy alańdatady, qustyń júzdegen óleksesi Qarakól kóliniń búkil jaǵalaýynda shashylyp jatyr, eń qyzyǵy, men bul kólde aqqýlardan basqa qustardyń óleksesin tappadym. Olar aqqýlarǵa qaraǵanda áldeqaida kóp. Tabiǵi suryptalý deiin desek, shyǵyn tym kóp", - dep jazdy avtor.
Buryn tek jergilikti turǵyndarǵa ǵana belgili bolǵan biregei sý qoimasy 2020 jyly álemdik BAQ-tyń talqylaýyna ainalǵan.
Qarakól - kóp qustardyń ushý jolyndaǵy aialdamalardyń biri. Olardyń keibireýleri Qazaqstannyń Qyzyl kitabyna engen, al kóldiń ózi Qaraqiia-Qarakól memlekettik qoryǵyna engizilgen jáne erekshe qorǵalatyn aýmaq mártebesine ie.
