Mańǵystaý oblysynda uiymdasqan qylmystyq top músheleri quryqtaldy, dep habarlady Ulttyq qaýipsizdik komitetiniń baspasóz qymeti.
Vedomstvo birneshe ai boiy ishki ister ministrligimen birlese otyryp, Mańǵystaý oblysyndaǵy uiymdasqan qylmystyq toptarǵa qatysty jedel tekserý is-sharalaryn júzege asyrǵan.
Sonyń nátijesinde uiymdasqan top músheleriniń aýyr jáne asa aýyr qylmystarǵa, onyń ishinde adam óltirýge oqtalý, adam urlaý, qaraqshylyq shabýyl jasaý jáne basqa da qylmystarǵa qatysy bary anyqtalǵan eken.
"Biyl 29 shildede Ulttyq qaýipsizdik komiteti men ishki ister ministrligi aýqymdy arnaiy operatsiia ótkizdi. Operatsiia barysynda Jańaózen qalasy men Munaily aýdanynda bir ýaqytta tórt túrli toptan 17 adam ustaldy", - dep habarlady UQK baspasóz qyzmeti.
Ustalǵandardyń mekenjaiyn tintý kezinde úsh tapansha, dybys báseńdetkish, segiz sholaq myltyq, "Saiga" karabini, usaq kalibrli vintovka, bes travmatikalyq tapansha, 218 dana oq-dári, túrli sýyq qarýlar (pyshaqtar, kastetter jáne taǵy basqalary) tabylyp, zattai aiǵaq retinde alynypty.
Qazir qos vedomstvo birlesip qurǵan jedel tergeý toby sotqa deiingi tergeý júrgizip jatyr.
