ماڭعىستاۋ وبلىسىندا ۇيىمداسقان قىلمىستىق توپ مٷشەلەرٸ قۇرىقتالدى, دەپ حابارلادى ۇلتتىق قاۋٸپسٸزدٸك كوميتەتٸنٸڭ باسپاسٶز قىمەتٸ.
ۆەدومستۆو بٸرنەشە اي بويى ٸشكٸ ٸستەر مينيسترلٸگٸمەن بٸرلەسە وتىرىپ, ماڭعىستاۋ وبلىسىنداعى ۇيىمداسقان قىلمىستىق توپتارعا قاتىستى جەدەل تەكسەرۋ ٸس-شارالارىن جٷزەگە اسىرعان.
سونىڭ نەتيجەسٸندە ۇيىمداسقان توپ مٷشەلەرٸنٸڭ اۋىر جەنە اسا اۋىر قىلمىستارعا, ونىڭ ٸشٸندە ادام ٶلتٸرۋگە وقتالۋ, ادام ۇرلاۋ, قاراقشىلىق شابۋىل جاساۋ جەنە باسقا دا قىلمىستارعا قاتىسى بارى انىقتالعان ەكەن.
"بيىل 29 شٸلدەدە ۇلتتىق قاۋٸپسٸزدٸك كوميتەتٸ مەن ٸشكٸ ٸستەر مينيسترلٸگٸ اۋقىمدى ارنايى وپەراتسييا ٶتكٸزدٸ. وپەراتسييا بارىسىندا جاڭاٶزەن قالاسى مەن مۇنايلى اۋدانىندا بٸر ۋاقىتتا تٶرت تٷرلٸ توپتان 17 ادام ۇستالدى", - دەپ حابارلادى ۇقك باسپاسٶز قىزمەتٸ.
ۇستالعانداردىڭ مەكەنجايىن تٸنتۋ كەزٸندە ٷش تاپانشا, دىبىس بەسەڭدەتكٸش, سەگٸز شولاق مىلتىق, "سايگا" كارابينٸ, ۇساق كاليبرلٸ ۆينتوۆكا, بەس تراۆماتيكالىق تاپانشا, 218 دانا وق-دەرٸ, تٷرلٸ سۋىق قارۋلار (پىشاقتار, كاستەتتەر جەنە تاعى باسقالارى) تابىلىپ, زاتتاي ايعاق رەتٸندە الىنىپتى.
قازٸر قوس ۆەدومستۆو بٸرلەسٸپ قۇرعان جەدەل تەرگەۋ توبى سوتقا دەيٸنگٸ تەرگەۋ جٷرگٸزٸپ جاتىر.
