© Sputnik / Vladimir Pesnia
"MAEK-Qazatomónerkásip" JShS jumysshylary jalaqylaryn eki esege kóterýdi talap etip, taǵy da narazylyq aktsiiasyn uiymdastyrdy. Jergilikti "Lada" basylymynyń habarlaýynsha, jumysshylar energokombinattyń janyna jinaldy, dep jazady Sputnik Qazaqstan agenttigi.
Kásiporynnyń baspasóz qyzmeti aqparatqa qatysty pikir bildirýden bas tartty. Energetika ministrligi resmi aqparat daiyndalyp jatqanyn aitty.
3 aqpanda energokombinattyń jumysshylary basshylyqtan jalaqyny 100 protsentke kóterý, saýyqtyrý ótemaqysy men syiaqy tóleýdi talap etken bolatyn.
Sol kezde jumysshylar aldyna kompaniia basshylyǵy shyǵyp, mámilege kelý jóninde komissiia quryldy. Onyń quramyna jumysshylar jáne kásipodaq tarapynan jeti adam kirdi.
Kompaniia óndiristegi barlyq jumysshynyń jalaqysyn 30 protsentke kóterýdi, merekege orai syiaqy men bir ailyq jalaqy kóleminde saýyqtyrý ótemaqysyn tóleýdi usyndy.
Alaida 5 aqpanda mámilege kelý komissiiasy kompaniia basshylyǵynyń usynysymen kelispedi. Endi másele memlekettik inspektordyń qatysýymen eńbek arbitrajynda qaralatyn bolady.
