Foto: Pixabay
Mańǵystaý oblysynda jalǵan aqsha kýpiýralaryn ótkizý boiynsha qylmystyq áreket toqtatyldy, dep habarlaidy "Ult aqparat" Qarjylyq monitoring agenttigine silteme jasap.
Ustalǵan azamat nominaly 50 AQSh dollary bolatyn jalǵan aqsha kýpiýralaryn satýmen ainalysqan.
"Agenttik qyzmetkerleriniń baqylaýymen júrgizilgen satyp alý barysynda jasandy aqsha satý faktisi anyqtalyp, jalpy somasy 3850 dollar bolatyn jalǵan valiýta tárkilendi.
Qazirgi ýaqytta osy fakt boiynsha sotqa deiingi tergeý júrgizilip jatyr. Kúdiktige qatysty «qamaýda ustaý» túrindegi bultartpaý sharasy sanktsiialandy.
Ózge tulǵalardyń zańsyz áreketke qatystylyǵyn anyqtaý boiynsha jedel-izdestirý is-sharalary júrgizilýde. Tergeý jalǵasyp jatyr", - delingen habarlamada.
QR QPK-niń 201-baby tártibindegi ózge de aqparat jariia etýge jatpaidy. Al QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
