Qazirgi ýaqytta Prezident Qasym-Jomart Toqaevtyń tapsyrmasy boiynsha Premer-Ministr qurǵan úkimettik komissiia óńirge kelip, óz jumysyn bastady, dep habarlaidy "Ult aqparat" primeminister.kz silteme jasap.
Premer-Ministrdiń orynbasary Eraly Toǵjanovtyń tóraǵalyǵymen otyrys ótip, oǵan Prezident ákimshiliginiń, Energetika ministrliginiń, Básekelestikti qorǵaý jáne damytý agenttiginiń, jergilikti atqarýshy organdardyń, «QazMunaiGaz» UK AQ-nyń ókilderi jáne basqa da múddeli taraptar qatysty.
Komissiia barlyq taraptardy qanaǵattandyratyn ózara qolaily sheshim qabyldaý úshin ózekti máselelerdi jan-jaqty jáne júieli túrde qaraidy.
Eske sala ketsek, Prezident keshe Úkimetke Jańaózendegi jaǵdaidy ekonomikalyq turǵydan eskerip, quqyqtyq jaǵynan tez arada qarastyrýdy tapsyrǵan edi.
QR Premer-Ministri Asqar Mamin Mańǵystaý oblysyndaǵy áleýmettik-ekonomikalyq jaǵdaidy qarastyrý úshin Úkimet komissiiasy qurylǵanyn jariia etti.
Mańǵystaý oblysyndaǵy áleýmettik-ekonomikalyq jaǵdaidy qaraityn Úkimet komissiiasyn QR Premer-Ministriniń orynbasary Eraly Toǵjanov basqaratyn boldy.
