Mańǵystaý oblysynda túielerden qaýipti aýrý túrleri tabylǵan joq. Bul týraly QR Aýyl sharýashylyǵy ministrligi málim etti, dep habarlaidy "Ult aqparat".
Vedomstvo málimetinshe, QR AShM Veterinariialyq baqylaý jáne qadaǵalaý komitetine Mańǵystaý oblystyq veterinariia basqarmasy men oblystyq aýmaqtyq inspektsiiasynan osy jyldyń qyrkúieginen jeltoqsanǵa deiin túielerdiń sheshek aýrýyna ushyraýy týraly habarlama kelip túsken. Atap aitqanda, qyrkúiekte - 6 túie, qazanda - 3 túie, jeltoqsanda - 5 túie aýrý kúdigine ilikken. Oblysqa epizootologiialyq tekserý jáne synama alý úshin «Veterinariia boiynsha ulttyq referenttik ortalyq» RMM qyzmetkerleri birneshe ret jiberilgen.
«Atalǵan ortalyqtyń hattamalyq synaqtaryna sáikes qyrkúiek jáne qazanda alynǵan biologiialyq synamalardan sheshek aýrýynyń belgileri tabylǵan joq. Jeltoqsanda túielerden qosymsha synamalar alynyp, «Respýblikalyq veterinariialyq zerthana» RMK Mańǵystaý oblystyq filialyna jiberilgen. Aýrý janýarlardyń arasynda ólim joq. Klinikalyq belgileri boiynsha túieniń sheshegi kúdigi alynyp tastaldy. Degenmen, monitoring júrgizý barysynda osy jyldyń 16-21 qazany aralyǵynda zertteý maqsatynda 45 túieden (Mańǵystaý aýdany - 6 bas, Qaraqiia aýdany - 33 bas, Jańaózen - 6 bas) qosymsha biologiialyq material iriktep alyndy. Asa qaýipti aýrýlardy boldyrmaý úshin «VBURO» RMK júrgizgen zerthanalyq zertteýlerdiń nátijelerine sáikes, aýsyl, pasterellez, listerioz, sibir jarasy, týberkýlez jáne sheshek aýrýlaryna júrgizgen zerthanalyq zertteýlerdiń nátijeleri teris bolyp shyqty. Nátijeler Komitettiń Mańǵystaý oblystyq aýmaqtyq inspektsiiasyna jiberildi», - dep atap ótedi ministrlikten.
Qalyptasqan jaǵdaidy egjei-tegjeili zertteý úshin Manǵystaý oblysyna 2020 jyldyń 3 qańtarynda komitettiń, «VBURO» RMK, «Respýblikalyq veterinariialyq zerthana» RMK-niń ókilderiniń «Qazaq ǵylymi-zertteý mal dárigerlik institýty» JShS jetekshi ǵalymdarynyń barýy josparlanǵan. Aimaqtyń epizootiialyq jaǵdaiy Mańǵystaý oblysynyń veterinariialyq qyzmetiniń baqylaýynda tur.
Buǵan deiin Mańǵystaýda belgisiz indet juqtyrǵan túielerden alynǵan synama 3 táýelsiz veterinariialyq ǵylymi-zertteý institýtyna joldanǵanyn habarlaǵan edik.
