ماڭعىستاۋ وبلىسىندا تٷيەلەردەن قاۋٸپتٸ اۋرۋ تٷرلەرٸ تابىلعان جوق. بۇل تۋرالى قر اۋىل شارۋاشىلىعى مينيسترلٸگٸ مەلٸم ەتتٸ, دەپ حابارلايدى "ۇلت اقپارات".
ۆەدومستۆو مەلٸمەتٸنشە, قر اشم ۆەتەرينارييالىق باقىلاۋ جەنە قاداعالاۋ كوميتەتٸنە ماڭعىستاۋ وبلىستىق ۆەتەرينارييا باسقارماسى مەن وبلىستىق اۋماقتىق ينسپەكتسيياسىنان وسى جىلدىڭ قىركٷيەگٸنەن جەلتوقسانعا دەيٸن تٷيەلەردٸڭ شەشەك اۋرۋىنا ۇشىراۋى تۋرالى حابارلاما كەلٸپ تٷسكەن. اتاپ ايتقاندا, قىركٷيەكتە - 6 تٷيە, قازاندا - 3 تٷيە, جەلتوقساندا - 5 تٷيە اۋرۋ كٷدٸگٸنە ٸلٸككەن. وبلىسقا ەپيزووتولوگييالىق تەكسەرۋ جەنە سىناما الۋ ٷشٸن «ۆەتەرينارييا بويىنشا ۇلتتىق رەفەرەنتتٸك ورتالىق» رمم قىزمەتكەرلەرٸ بٸرنەشە رەت جٸبەرٸلگەن.
«اتالعان ورتالىقتىڭ حاتتامالىق سىناقتارىنا سەيكەس قىركٷيەك جەنە قازاندا الىنعان بيولوگييالىق سىنامالاردان شەشەك اۋرۋىنىڭ بەلگٸلەرٸ تابىلعان جوق. جەلتوقساندا تٷيەلەردەن قوسىمشا سىنامالار الىنىپ, «رەسپۋبليكالىق ۆەتەرينارييالىق زەرتحانا» رمك ماڭعىستاۋ وبلىستىق فيليالىنا جٸبەرٸلگەن. اۋرۋ جانۋارلاردىڭ اراسىندا ٶلٸم جوق. كلينيكالىق بەلگٸلەرٸ بويىنشا تٷيەنٸڭ شەشەگٸ كٷدٸگٸ الىنىپ تاستالدى. دەگەنمەن, مونيتورينگ جٷرگٸزۋ بارىسىندا وسى جىلدىڭ 16-21 قازانى ارالىعىندا زەرتتەۋ ماقساتىندا 45 تٷيەدەن (ماڭعىستاۋ اۋدانى - 6 باس, قاراقييا اۋدانى - 33 باس, جاڭاٶزەن - 6 باس) قوسىمشا بيولوگييالىق ماتەريال ٸرٸكتەپ الىندى. اسا قاۋٸپتٸ اۋرۋلاردى بولدىرماۋ ٷشٸن «ۆبۇرو» رمك جٷرگٸزگەن زەرتحانالىق زەرتتەۋلەردٸڭ نەتيجەلەرٸنە سەيكەس, اۋسىل, پاستەرەللەز, ليستەريوز, سٸبٸر جاراسى, تۋبەركۋلەز جەنە شەشەك اۋرۋلارىنا جٷرگٸزگەن زەرتحانالىق زەرتتەۋلەردٸڭ نەتيجەلەرٸ تەرٸس بولىپ شىقتى. نەتيجەلەر كوميتەتتٸڭ ماڭعىستاۋ وبلىستىق اۋماقتىق ينسپەكتسيياسىنا جٸبەرٸلدٸ», - دەپ اتاپ ٶتەدٸ مينيسترلٸكتەن.
قالىپتاسقان جاعدايدى ەگجەي-تەگجەيلٸ زەرتتەۋ ٷشٸن مانعىستاۋ وبلىسىنا 2020 جىلدىڭ 3 قاڭتارىندا كوميتەتتٸڭ, «ۆبۇرو» رمك, «رەسپۋبليكالىق ۆەتەرينارييالىق زەرتحانا» رمك-نٸڭ ٶكٸلدەرٸنٸڭ «قازاق عىلىمي-زەرتتەۋ مال دەرٸگەرلٸك ينستيتۋتى» جشس جەتەكشٸ عالىمدارىنىڭ بارۋى جوسپارلانعان. ايماقتىڭ ەپيزووتييالىق جاعدايى ماڭعىستاۋ وبلىسىنىڭ ۆەتەرينارييالىق قىزمەتٸنٸڭ باقىلاۋىندا تۇر.
بۇعان دەيٸن ماڭعىستاۋدا بەلگٸسٸز ٸندەت جۇقتىرعان تٷيەلەردەن الىنعان سىناما 3 تەۋەلسٸز ۆەتەرينارييالىق عىلىمي-زەرتتەۋ ينستيتۋتىنا جولدانعانىن حابارلاعان ەدٸك.
