Mańǵystaý oblysynda shahmattan alǵash ret onlain chempionat ótedi. Bul týraly qoǵamdyq kommýnikatsiia ortalyǵynda ótken brifingide Mańǵystaý oblysy shahmat federatsiiasynyń direktory Fatima Elbaeva málim etti, dep habarlaidy oblystyń qoǵamdyq kommýnikatsiia ortalyǵy.
Júlde qory 400 myń teńge. Mańǵystaý oblysynyń dene shynyqtyrý jáne sport basqarmasy, Shahmat federatsiiasy, sondai-aq «Debiýt» shahmat mektebiniń tehnikalyq súiemeldeýimen óńirde 19-sáýirinde chess.com saitynyń Mangystau Chess klýbynda «Kaspii patshasy» onlain chempionat ótedi dep josparlanýda. Qatysýǵa nietti oblys turǵyndary úshin eshqandai shekteý joq. Tek qana atalǵan saitta akkaýnt ashyp, ótinim toltyrsa bolǵany.
«Jalpy jarys 11 týrdan turady. Blits rejimde 3 minýt 2 sekýndtan qosylyp ár júris úshin qosylady. Bul saiys shahmatshylar úshin úlken múmkindik dep esepteimin. Oblys turǵyndary Youtube arqyly tikelei tamashalai alady», - dedi «Debiýt» shahmat mektebiniń basshysy Anvar Shaihymov.
Básekede baq synaimyn deýshiler úshin ótinim qabyldaý 18 sáýir kúni toqtaidy. Chempionatta Almaty, Pavlodar, Qaraǵandy qalalarynan «Halyqaralyq dárejedegi sport sheberleri» onlain qazylyq etetin bolady. Jarys qorytyndysy 2 kúnnen keiin jariialanyp, qatysýshalar aqshalai syilyqpen marapattalady.
«Búgingi kúnge deiin 100-ge jýyq qatysýshy tirkelgen. Alda mundai chempionattyń qalalyq, oblystyq kezeńderin ótkizý josparda», - deidi uiymdastyrýshylar.
