Foto: t.me/POLICE_of_KZ
Mańǵystaý oblysynda esirtkiniń iri partiiasy tárkilendi, - dep habarlaidy "Ult aqparat" Polisia.kz Telegram arnasyna silteme jacap.
11 maýsymda saǵat 00:30 shamasynda "Qarasora-2023" respýblikalyq jedel-profilaktikalyq is-sharasy barysynda Mańǵystaý oblysy PD esirtkige qarsy is-qimyl basqarmasynyń qyzmetkerleri 14 shaǵynaýdan mekenjaiy boiynsha esirtki zattaryn saqtady degen kúdikpen 29 jastaǵy jergilikti turǵyndy ustaǵan.
"Tintý barysynda kúdiktiden 31,70 gr mefedron bar 33 bailam tárkilendi.
Avtokólik pen páterdi tintý kezinde taǵy 212 bailam mefedron tárkilenip, quramynda psilotsibin bar 5 bailam galliýtsinogendi sańyraýqulaqtar tabyldy. Kúdikti esirtkini jasyrǵan taǵy bir oryndy óz erkimen kórsetip, ol jerden 532,34 gr mefedron tárkilendi.
Barlyǵy 768,38 gr mefedron jáne 165,43 gr psilotsibin tárkilenip otyr" - delingen habarlamada.
Atalǵan derek QR Qylmystyq kodeksiniń 297-baby 3-bóligi boiynsha sotaldy tergep-tekserýdiń biryńǵai tizimine tirkelgen. Kúdikti ýaqytsha ustaý izoliatoryna qamaldy. Qazir tergeý amaldary júrgizilip jatyr.
