Sýret ashyq derekkózden alyndy
Mańǵystaý oblysynda 16 jáne 12 jastaǵy qyzdardy zorlady degen kúdikpen ustalǵan er adam politsiia bólimshesinde terezeden sekirip, ózine qol jumsaǵan, - dep habarlaidy Massaget.kz portaly lada.kz-ke silteme jasap.
Bul aqparatty Mańǵystaý oblystyq politsiia departamentiniń baspasóz qyzmeti ókilderi rastady. Oqiǵa 5 aqpanda Mańǵystaý oblysyndaǵy aýdandardyń birinde bolǵan. Áiel 16 jáne 12 jastaǵy kámeletke tolmaǵan qyzdardy zorlaý deregi boiynsha politsiiaǵa aryzdanǵan.
Tergeý barysynda kúdikti qyzdardyń ata-anasynyń jaqyn dosy ekeni belgili boldy. Er adam 2019 jyldan bastap, 4 jyl boiy qyzdardy zorlap kelgen.
Quqyq qorǵaý organdary qyzdardy zorlady degen kúdikke ilingen jergilikti turǵyndy ustaǵan. Er adam óz kinásin moiyndap, keiin politsiia bóliminiń terezesinen sekirip ketken. Birneshe kúnnen keiin ol aýrýhanada qaitys bolǵan.
"Bul derek QR Qylmystyq kodeksiniń 120-baby 4-bóligi ("Birneshe ret zorlaý") boiynsha sotaldy tergep-tekserýdiń biryńǵai tizilimine tirkeldi. Tiis saraptamalar taǵaiyndaldy. Tergeý amaldary júrgizilip jatyr. Ózge málimetter jariia etilmeidi", - dedi politsiia qyzmetkerleri.
