19 aqpannan beri Beineý aýdanynyń ortalyq aýdandyq aýrýhanasyna ýlaný belgilerimen 36 adam júginip, onyń 28-i aýrýhanaǵa jatqyzyldy, dep habarlaidy "Ult aqparat" Azattyq Ruhy basylymyna silteme jasap.
Lada.kz jazýynsha, zardap shekken segiz adam meditsinalyq kómek alǵannan keiin ambýlatorlyq emdeýge jiberildi. Bul týraly Qoǵamdyq bailanys ortalyǵy oblystyq densaýlyq saqtaý basqarmasyna silteme jasap habarlady.
Dárigerlerdiń aitýynsha, aýrýhanaǵa jatqyzylǵandardyń jaǵdaiy ortasha aýyr dep baǵalanyp otyr.
«Naýqastardy oblys ortalyǵyna jetkizýdiń qajeti joq, óitkeni tiisti kórsetkishter joq. Telemeditsina arqyly oblystyń bas infektsionisiniń qatysýymen konsýltatsiia ótti, emdeý taǵaiyndaldy. Beineý aýdandyq kópbeiindi aýrýhanasy qajetti dári-dármekpen jetkilikti túrde qamtamasyz etildi jáne taǵy 20 tósek-oryndy qalpyna keltirýge daiyn. Ambýlatorlyq em qabyldap jatqan naýqastar bakteriiaǵa qarsy jáne simptomatikalyq em taǵaiyndaityn dárigerlerdiń baqylaýyna alyndy. Epidemiiaǵa qarsy sharalar jalǵasýda, aqparat saǵat saiyn jańartylyp otyrady», - dedi oblystyq densaýlyq saqtaý basqarmasy.
Buǵan deiin habarlanǵandai, Beineý aýylynda turǵyndar jappai ýlanǵan bolatyn. Zardap shekkenderdiń barlyǵy bir kún buryn fastfýdpen ainalysatyn «Ali-man» dámhanasynda bolǵan. Olardyń arasynda balalar men júkti áiel de bar.
Jappai tamaqtan ýlaný faktisi boiynsha Mańǵystaý oblysy boiynsha sanitarlyq-epidemiologiialyq baqylaý departamenti tekserý júrgizip jatyr.
