Mańǵystaý oblysynyń Túpqaraǵan aýdany Aqshuqyr kentindegi mektep-litseidiń ujymy tolyqtai vaktsinatsiiadan ótti, dep habarlaidy "Ult aqparat".
Aqshuqyr mektep-litseiiniń direktory Qalamqas Tileýbaeva koronavirýsty toqtatýdyń jalǵyz joly – vaktsina alý ekendigine senimdi. Mekteptegi ustazdar vaktsina alýdy sáýir aiynda bastap ketken. Sońǵy pedagog bir apta buryn vaktsinanyń birinshi kompenentin qabyldaǵan. Qazir ujymda 158 muǵalim jáne 42 kishi qyzmetker bar.
«Ujymynyń 98 paiyzy, iaǵni túgelge jýyǵy deýge bolady vaktsina aldy. Oǵan 2020-2021 jylǵy oqý jylynda koroanvirýs indetine bailanysty oqýshylarymyzdyń dástúrli oqý formatyna kóshe almaýy sebepshi boldy. Onlain rejimde oqyǵan oqýshylardyń bilim sapasynyń tómendep ketýi ata-analardyń, muǵalimderdi, oqýshylardy oilantty. Oqý jylynyń ekinshi jartyjyldyǵynda onlain rejimge qosymsha aralas formatta tájiribe jasap kórdik. Sonda oqýshylardyń bilim sapasynyń óte álsirep ketýi bizdi qynjyltty. Biylǵy jańa 2021-2022 jylǵy oqý jylyn dástúrli oqý formatyna kóshýge ujymnyń belsendiliginiń arqasynda tolyqtai vaktsina saldyrttyq», - deidi ol.
Aita keterligi, Memleket basshysy Qasym-Jomart Toqaev 10 shildede Úkimettiń keńeitilgen otyrysynda Úkimetke jańa oqý jylynda oqýshylar men stýdentterdiń dástúrli oqý júiesine oralýyn qamtamasyz etýdi tapsyrǵan bolatyn.
Qalamqas Tileýbaeva jańa oqý jylynda dástúrli formatqa kóshý úshin ujymdyq immýnitetti qalyptastyryp daiyn otyrǵanyn jetkizdi.
«Ujym arasynda tek qana vaktsinatsiia týraly jalpy túsindirý ǵana júrgizildi, biraq soǵan qaramasta muǵalimder sanaly túrde óz erkimen ekpe saldyrdy. Ekpe alýǵa jatpaityn 3 muǵalim densaýlyǵyna bailanysty komissiia anyqtamasyn usyndy. Qalǵan 12 muǵalim aldaǵy ýaqytta dekrettik demalysqa shyǵýdy josparlap otyr», - deidi ol.
Aqshuqyr kentinde 10 myńnan astam turǵyn turady, aýylda úsh mektep ornalasqan. Mektep-litseide biylǵy oqý jylynda 1700-ge jýyq oqýshy bilim alǵan.
Qalamqas Tileýbaeva áriptesterin ózderi sekildi jappai vaktsina alýǵa shaqyrdy.
«Mektep ujymdarynyń basshylaryna, áriptesterime qazirgi epidemiologiialyq jaǵdaidy túsine otyryp, sanaly túrde vaktsina alýǵa shaqyramyn! Bizdiń mekteptiń ujymynyń tájiribesine qarai otyryp, basqa ujymdarda da osyndai jaǵdai qalyptastyra alamyz dei oilaimyn», - dedi ol.
Onyń aitýynsha, bul qyzmetine degen jaýapkershilik.
«Bizge ata-analar senim artyp, balalaryn senip tapsyryp otyr. Sondyqtan oqý salasynda olqylyqtarǵa jol bermeýge tiispiz. Ár pedagog birinshi óz densaýlyǵyn oilaýy tiis. Sonymen qatar balalardyń qaýipsizdigi basty orynda. Árbir ujym múshesi sanaly túrde túsinýi kerek. «Kemedeginiń jany bir» deidi halqymyz. Pedagogtiń basty mindeti bilim berý, oqýshyǵa tálim-tárbie berý. Bul ustaz ben oqýshynyń arasynda betpe-bet júrgiziletin úrdis. Soǵan tezirek oralaiyq», - deidi Qalamqas Tileýbaeva.
Atalmysh mekteptiń tarih jáne quqyq pánderiniń ustazy Áliia Kabirova HayatVac vaktsinasyn saldyrǵan.
«Dárigerlerdiń aitýynsha COVID-19-ben kúrestiń basty joly – vaktsina alý dep otyr. Men soǵan senemin. Ózim ekpe alǵanda janama áserleri bolmady. Áleýmettik jelide vaktsinaǵa qatysty keraǵar pikirler az emes. Men ony qate dep sanaimyn. Árbir azamat ekpe alýdyń durys ekenin sanaly túrde uǵynýy tiis», - deidi Áliia Kabirova.
Onyń aitýynsha erte kezderi sheshek jailaǵan jyldary kóptegen adam indetten kóz jumǵan. Sol kezderi qazirgi meditsina jáne tehnologiia bolmaǵan.
«Qazir vaktsina jedel ázirlenip, memleket tarapynan pandemiiadan qorǵanýǵa jaǵdai jasalynyp otyr. Tegin ekpe alýǵa múmkindik týdy. Nege sony paitsdalanbasqa?!», - deidi ol.
Osy mektepte qazaq tili páninen sabaq beretin Marat Qani aýylda vaktsina pýnkti ashyla salysymen alǵashqylardyń biri bolyp baryp ekpe egilgen.
«Onyń aldynda vaktsina týraly málimetterdi oqyp, zerttedim. Sáýir aiynda qazirgidei tańdaý bolmady, tek reseilik «Spýtnik V» vaktsinasy usynyldy, sony saldyrdym. Eskertýdegi janama áselerdiń birazy boldy. Bastapqy bir aptada álsizdik sezindim. Ekinshi kompenentti saldyrǵanda eshteńe sezilmedi», - deidi ol.
Onyń pikirinshe qoǵamda qaishylyqtyń, qarsy pikirdiń bolýy zańdylyq. «Bireýler vaktsinany qoldaidy, bireýler senimsizdik tanytady. Biz bilim oshaǵynda júrgendikten mindetti túrde vaktsinany alýymyz kerek. Óitkeni 1,5 jyl buryn oqýshylarǵa qashyqtan bilim berdik. Aldaǵy jyldary da onlain sabaq jalǵasatyn bolsa, bilim sapasy tómendep kete me degen qaýpim bar. Sondyqtan pedagogter qaýymy tolyqtai vaktsina alyp, dástúrli formatty bilim berýge kóshýimiz kerek», - deidi Marat Qani.
