Mańǵystaý oblysy ákiminiń birinshi orynbasary Serik Amanǵaliev eki aiǵa qamaýǵa alyndy, dep habarlaidy "Ult aqparat" oblystyq sottyń baspasóz qyzmetine silteme jasap.
Aqtaý qalasy mamandandyrylǵan tergeý sotynyń 5 qarashadaǵy qaýlysymen Serik Qaleshuly Amanǵaliev eki aiǵa qamaýǵa alyndy. Oǵan memlekettik qyzmetke jáne memlekettik basqarý qyzmetiniń múddesine qarsy asa aýyr sybailas jemqorlyq qylmysyn jasady degen aiyp taǵylǵan.
Baspasóz qyzmetiniń aqparatynsha, Amanǵaliev 3 qarasha kúni saǵat 18.40 shamasynda Aqtaý halyqaralyq áýejaiynyń aýmaǵynda ustalǵan. Sybailas jemqorlyqqa qarsy ulttyq biýro qyzmetkerleri oblys ákiminiń birinshi orynbasarynan 115 000 eýro tárkiledi.
Atalǵan faktige qatysty QR Qylmystyq Kodeksiniń 366-baby 3-tarmaqshasy (para alý) boiynsha sotqa deiingi tergeý bastaldy.
