Mańǵystaý turǵyndaryn sapaly aýyzsýmen qamtamasyz etý úshin 170 mlrd bólinedi. Onyń 123 mlrd teńgesin «QazMunaiGaz» ulttyq kompaniiasy investitsiialaidy, dep habarlaidy QazAqparat.
Ekologiia, geologiia jáne tabiǵi resýrstar ministri Serikqali Brekeshev Úkimet otyrysynda osyndai málimet berdi.
«Mańǵystaý oblysynyń áleýmettik-ekonomikalyq damýynyń keshendi jospary boiynsha sýmen jabdyqtaý salasynda jalpy somasy 170 milliard teńgege 3 joba qarastyrylǵan.
«QazMunaiGaz» ulttyq kompaniiasynyń 123,7 milliard teńge kólemindegi jeke investitsiiasy esebinen «Beineý-Aqtaý» ýchaskesinde, uzyndyǵy 171 shaqyrym bolatyn «Astrahan-Mańǵyshlaq» magistraldyq sý tartqyshyn rekonstrýktsiialaý josparlanǵan.
Ol 226 myń adamy bar 1 qala men 15 aýyldyq eldi mekende sýmen jabdyqtaýdy jaqsartady. Ótkizý qabileti táýligine 110 myńnan 170 myń tekshe metrge deiin ulǵaiady», - degen ministr taǵy bir keshendi jobanyń arqasynda 15 aýyldy eldi mekende aýyzsý máselesi sheshiletinin atady.
«Odan basqa, jalpy uzyndyǵy shamamen 243 shaqyrymdai bolatyn «Aqtaý-Quryq-Jetibai-Shetpe» jáne «Kýiýlýs-Melovoe» ken ornynan Kaspii sý tushytý zaýytyna deiin» eki sý tartqysh salý josparlanǵan. Qazir jobalyq qujattamasy ázirlenip jatyr. Bul 278 myń adamy bar 15 aýyldy eldi mekenniń sýmen jabdyqtalýyn jaqsartýǵa jáne qamtamasyz etýge múmkindik beredi», - dedi Serikqali Brekeshev.
