ماڭعىستاۋ تۇرعىندارىن ساپالى اۋىزسۋمەن قامتاماسىز ەتۋ ٷشٸن 170 ملرد بٶلٸنەدٸ. ونىڭ 123 ملرد تەڭگەسٸن «قازمۇنايگاز» ۇلتتىق كومپانيياسى ينۆەستيتسييالايدى, دەپ حابارلايدى قازاقپارات.
ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ ٷكٸمەت وتىرىسىندا وسىنداي مەلٸمەت بەردٸ.
«ماڭعىستاۋ وبلىسىنىڭ ەلەۋمەتتٸك-ەكونوميكالىق دامۋىنىڭ كەشەندٸ جوسپارى بويىنشا سۋمەن جابدىقتاۋ سالاسىندا جالپى سوماسى 170 ميلليارد تەڭگەگە 3 جوبا قاراستىرىلعان.
«قازمۇنايگاز» ۇلتتىق كومپانيياسىنىڭ 123,7 ميلليارد تەڭگە كٶلەمٸندەگٸ جەكە ينۆەستيتسيياسى ەسەبٸنەن «بەينەۋ-اقتاۋ» ۋچاسكەسٸندە, ۇزىندىعى 171 شاقىرىم بولاتىن «استراحان-ماڭعىشلاق» ماگيسترالدىق سۋ تارتقىشىن رەكونسترۋكتسييالاۋ جوسپارلانعان.
ول 226 مىڭ ادامى بار 1 قالا مەن 15 اۋىلدىق ەلدٸ مەكەندە سۋمەن جابدىقتاۋدى جاقسارتادى. ٶتكٸزۋ قابٸلەتٸ تەۋلٸگٸنە 110 مىڭنان 170 مىڭ تەكشە مەترگە دەيٸن ۇلعايادى», - دەگەن مينيستر تاعى بٸر كەشەندٸ جوبانىڭ ارقاسىندا 15 اۋىلدى ەلدٸ مەكەندە اۋىزسۋ مەسەلەسٸ شەشٸلەتٸنٸن اتادى.
«ودان باسقا, جالپى ۇزىندىعى شامامەن 243 شاقىرىمداي بولاتىن «اقتاۋ-قۇرىق-جەتٸباي-شەتپە» جەنە «كۋيۋلۋس-مەلوۆوە» كەن ورنىنان كاسپيي سۋ تۇشىتۋ زاۋىتىنا دەيٸن» ەكٸ سۋ تارتقىش سالۋ جوسپارلانعان. قازٸر جوبالىق قۇجاتتاماسى ەزٸرلەنٸپ جاتىر. بۇل 278 مىڭ ادامى بار 15 اۋىلدى ەلدٸ مەكەننٸڭ سۋمەن جابدىقتالۋىن جاقسارتۋعا جەنە قامتاماسىز ەتۋگە مٷمكٸندٸك بەرەدٸ», - دەدٸ سەرٸكقالي برەكەشەۆ.
