Mańǵystaý oblysy ákimdigi Bozjyrada qonaqúi salý daýyna qatysty málimdeme taratty, dep habarlaidy "Ult aqparat".
Mańǵystaý oblysy ákimdiginiń baspasóz hatshysy Samat Súleidiń aitýynsha, Bozjyranyń basynda eshqandai qurylys jumystary júrip jatqan joq.
«Ekinshiden, Joba áli qaralýda. Týristik nysan salýǵa nietti kompaniia tarapynan naqty ári sońǵy joba áli kelgen joq. Buǵan deiin úsh nusqasy usynylǵan bolatyn. Biraq bul sońǵy varianty degen sóz emes. Iaǵni, tolyqtyrý, jetildirý protsesinde. Úshinshiden, aldyn-ala el-jurtqa eskertilmei, qoǵam talqysyna nege usynylmaǵan degen turǵyndar ýáj aitýda. Joǵaryda atap óttim. Áli kúnge deiin ákimdikke nemese tiisti jaýapty memlekettik organdarǵa jobanyń sońǵy nusqasy berilgen joq. Qolǵa qujat tigen kezde, ekolog, týrizm salasynyń sarapshylary, jýrnalister jáne qoǵam belsendileriniń oiyn eskere otyryp ashyq formatta qoǵamdyq tyńdaý uiymdastyrylady. Tórtinshiden, býtik-otel boi kóteretin bolsa, Bozjyra shatqalynan keminde 1,1-5 shaqyrym qashyqtyqta salynýy tiis. Bosjyra eshqandai qorshalmaidy, dál qazirgi keiipi sol kúiinde saqtalady», - dedi Samat Súlei.
Ol oteldiń aýmaǵy 80 ga degen qate aqparat ekenin jetkizdi. Bul jerde shamamen shaǵyn ǵana 5-6 ga shamasynda bolýy múmkin.
«Altynshy, birneshe qabattan turatyn, biik emes. Bir qabatty býtik otel bolmaq. Iaǵni, oiyn-saýyq ortalyǵy emes, alys joldar sharshap kelgen týristerge qolaily, demalýǵa yńǵaily, as iship aiaq sýytatyn ortalyq retinde qarastyrylyp otyr.
Qoǵam tarapynan taǵy bir ýáj bar. Qorshaǵan ortaǵa, ainalysyndaǵy jan-janýarǵa ziian bolady degen. Kerisinshe, ol jerde sońǵy tehnologiialardy eskere otyryp, gaz, sý, toq kózderi tartylmaidy. Barlyǵy kún jáne jel energiia kózderinen alynatyn bolady. Jaýapty mekeme jol sala otyryp, retsiz kólik júrisin rettep, qoqys máselesin qolǵa alady. Taǵy bir eskere ketsek, atalǵan joba áli talqylaný ústinde, naqty joba jasaqtalǵan boida qoǵam nazaryna usynylatyn bolady», - dep tolyqtyrdy ol.
