Halyqaralyq konkimen syrǵanaýshylar kongresi (ISU) mánerlep syrǵanaýdan eresekter arasyndaǵy jarysqa qatysý jasyn 17-ge deiin kóterý máselesin daýysqa saldy, dep habarlaidy QazAqparat BBC News saityna silteme jasap.
Jas shamasy mejesi birtindep kóterilmek. Atap aitqanda, 2023/24 maýsymynda sportshylardyń jasy qazirgi 15-ten 16-ǵa kóterilse, 2024/25 maýsymynda eresekter arasyndaǵy saiysqa 17 jastan bastap qana qatysýǵa ruqsat etiledi.
Demek, 2026 jyly Italiiada ótetin kelesi Olimpiadaǵa 17 jasqa tolǵan mánerlep syrǵanaýshylar jiberiledi.
ISU ókilderiniń aitýynsha, bul sheshim jas sportshylardy qorǵaýǵa yqpal etedi. Olardyń fizikalyq jáne psihikalyq saýlyǵy basty nazarda bolýy kerek.
Aita ketsek, sportshylar jasyn kóterý máselesi kóp jyldardan beri qozǵalyp keledi. Kongrestiń máseleni daýysqa salýyna biyl Pekindegi Olimpiadada Reseidiń 15 jasar sportshysy Kamila Valievaǵa qatysty týyndaǵan doping daýy túrtki bolyp otyr.
Kongres otyrysy Tailandta ótti. Daýys bergen 100 delegattyń 16-sy qarsy bolǵan.
