Elimizdiń birneshe óńirinde úidegi karantinin talaptaryn buzǵan adamdar sany aitarlyqtai artqan.
Bul týraly Ortalyq kommýnikatsiialar qyzmetinde eldegi koronavirýstyq infektsiiaǵa qatysty aǵymdaǵy jaǵdai jáne Qazaqstandaǵy vaktsinalardyń sapasy men satyp alý máselesine qatysty ótken brifingte aityldy, dep habarlaidy QazAqparat.
«Úidegi karantin talaptaryn buzý áreketteri elimizdiń birneshe óńirinde kóbeigen. Aldyn ala jasalǵan monitoringiniń qorytyndysy boiynsha, 30 sáýir kúni úi karantinine jatatyn adamdardyń 4% karantin rejimin buzǵan. Mamyr aiynda bul kórsetkish 29%-ǵa jetken. Ary qarai quqyq qorǵaý oryndary tiisti sharalar qoldanady», - deidi QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Timýr Sultanǵaziev.
Onyń aitýynsha, koronavirýstyń taralý qaýpin azaitý maqsatynda ary qarai da áleýmettik qashyqtyq saqtaý sharalaryn qoldana berý kerek.
«Jedel respiratorly virýsty infektsiia belgileri paida bolǵan jaǵdaida aldymen jedel járdem shaqyryp, karantin talaptaryn saqtaý kerek», - deidi ol.
