Memlekettik baǵdarlamalardy belsendi iske asyrýdyń arqasynda mamyr aiynda «Eńbek» memlekettik baǵdarlamasy aiasynda 28,5 myń qazaqstandyq jumysqa ornalasty. Al, «Jumyspen qamtýdyń jol kartasy» baǵdarlamasy boiynsha 14,8 myń adam jumyspen qamtyldy, dep habarlaidy "Ult aqparat".
«Eńbek resýrstaryn damytý ortalyǵy» AQ mamandarynyń aitýynsha, koronovirýs pandemiiasy saldarynan 16 naýryzdan bastap, sáýir aiynyń sońyna deiin engizilgen karantin kezeńinde Elektrondyq eńbek birjasynda bos jumys oryndarynyń sany 3 ese azaiǵan (2020 jyldyń aldyńǵy ailarymen salystyrǵanda).
Birinshi kezekte jumys oryndarynyń tómendeýi qyzmet kórsetý sektorynda, saýda, kólik jáne ónerkásip salalarynda tirkeldi. Alaida, karantindik sharalar jeńildetilgennen keiin eńbek naryǵynyń jandanyp, mamyr aiynyń basynan bastap ekonomikanyń barlyq salalarynda jumys berýshiler tarapynan suranys deńgeiiniń birtindep qalpyna kelýi baiqalýda.
Mamandar eńbek naryǵynyń jandanýyna «Jumyspen qamtýdyń jol kartasy» jáne «Eńbek» memlekettik baǵdarlamalary erekshe ról atqaryp otyrǵanydyǵyn atap ótti.
«Daǵdarysqa qarsy sharalar elimizdiń barlyq aimaqtarynda óz áserin berýde. Aǵymdaǵy jyldyń sáýir aiynan bastap jáne 19 mamyrdaǵy jaǵdai boiynsha Jumyspen qamtý jol kartasy aiasynda 44,7 myń jumys orny qurylyp, olarǵa jumyspen qamtý ortalyqtary arqyly shamamen 14,8 myń adam jumysqa ornalastyryldy. «Eńbek» baǵdarlamasy aiasynda aǵymdaǵy jyldyń 4 aiynda 128,5 myń adam qamtyldy, onyń ishinde 118,3 myń adam ýaqytsha jáne turaqty jumysqa ornalastyryldy, 676 adam oqýǵa jiberildi, 1,4 myń adam shaǵyn nesie aldy. Al, 1-19 mamyr aralyǵynda ǵana «Eńbek» baǵdarlamasyna 30,3 myń adam qatysyp. onyń 28,5 myńy jumyspen qamtylǵan», - deidi «Eńbek resýrstaryn damytý ortalyǵy» AQ departamentiniń direktory Juldyz Pernebaeva.
Bos jumys oryndaryn ornalastyrý boiynsha Aqmola, Qaraǵandy, Qostanai, Pavlodar, Almaty, Mańǵystaý, Shyǵys Qazaqstan oblystarynyń jáne Nur-sultan qalalarynyń jumys berýshileri belsendilik tanytýda.
Qurylysshy-montajshylar, qurylysshy-árleýshiler, syrlaýshylar, Densaýlyq saqtaý salasyndaǵy kásibi mamandar, orta meditsinalyq jáne farmatsevtikalyq qyzmetkerler, metall óńdeý, jabdyqtarǵa qyzmet kórsetý jumysshylar, júrgizýshiler men operatorlar mamandyqtary boiynsha bos jumys oryndarynyń sany ósken.
