Foto: Ortcom.kz
Qazaqstanda mindetti áleýmettik meditsinalyq saqtandyrý (MÁMS) júiesindegi birqatar negizgi jańalyqtardy kózdeitin zań qabyldandy, dep habarlaidy Ult.kz. Keshe Memleket basshysy zańǵa qol qoidy.
2024 jylǵy 2 qyrkúiektegi joldaýynda Memleket basshysy biýdjet múmkindikteri men azamattardyń qajettilikteri boiynsha teńdestirilgen bazalyq memlekettik meditsinalyq kómektiń biryńǵai paketin qalyptastyrýdy tapsyrdy.
Bul qadam mynalarǵa baǵyttalǵan:
- * memlekettik jáne saqtandyrý baǵdarlamalary arasyndaǵy qaitalanýdy joiý;
- * patsientter úshin de, dárigerler úshin de meditsinalyq qyzmetter tizbesiniń aiqyn shekaralary men ashyqtyǵyn qamtamasyz etý;
- * meditsinalyq kómektiń qoljetimdiligi men sapasyn arttyrý.
2026 jyldan bastap meditsinalyq kómektiń biryńǵai paketine kezeń-kezeńimen kóshý bastalady:
- * TMKKK men MÁMS-ti naqty ajyratý, qyzmetterdiń qaitalanýyn boldyrmaý
- * Aýrýlardyń erte profilaktikasynyń qoljetimdiligi
- * MÁMS mártebesine qaramastan barlyq azamattar úshin onkologiialyq aýrýlardy anyqtaýǵa arnalǵan skriningter
- * Áleýmettik máni bar aýrýlarǵa kúdik týyndaǵan jaǵdaida tegin zerttep-qaraýlar
- * Resýrstardy qaita bólý arqyly júieniń qarjylyq turaqtylyǵy
- * Naqty saqtandyrý modeline jaqyndaý
Qarjylandyrýdyń bir pakettik modeline kóshý úshin Densaýlyq saqtaý ministrligi syrtqy sarapshylarmen birlesip barlyq meditsinalyq qyzmetter men olardyń qunyna aýqymdy taldaý júrgizdi.
Bizdiń basymdyǵymyz ózgerissiz qalady — bul áleýmettik mártebege qaramastan halyqty MÁMS/pen barynsha qamtý.
Ne ózgeredi?
Aýrýlardy erte anyqtaý:
Biryńǵai paket áleýmettik máni bar aýrýlardy erte diagnostikalaý boiynsha kepildikterdi keńeitedi.
Mysaly, onkoskriningter saqtandyrý mártebesine qaramastan barlyq qazaqstandyqtarǵa qoljetimdi bolady.
TMKKK paketinde onkoskriningterdiń jalpyǵa birdei qoljetimdiligi obyrdy erte satysynda ýaqtyly tiimdi diagnostikalaýǵa jáne emdeýge múmkindik beredi.
Búgingi tańda TMKKK sheńberinde diagnostika tek týberkýlez jáne AITV infektsiiasy boiynsha, qalǵan áleýmettik máni bar aýrýlardy diagnostikalaý MÁMS sheńberinde júrgiziletinin atap ótý mańyzdy.
Bul rette saqtandyrylmaǵan adamdar meditsinalyq qyzmetterdiń bazalyq paketine qol jetkizýdi saqtaidy, mysaly:
- - Emhanalarǵa alǵashqy ótinish;
- - Vaktsinatsiialaý jáne erte diagnostikaǵa onkoskriningter;
- - Áleýmettik máni bar aýrýlarǵa kúdik týyndaǵan jaǵdaida diagnostika;
- - Jedel meditsinalyq kómek;
- - Ómirge qaýip tóndiretin jaǵdailarda patsientterge shuǵyl meditsinalyq kómek;
- - Diagnostika, emdeý, aldyn alý, barlyq ÁMA úshin tegin ADQ;
- - Infektsiialyq aýrýlar kezindegi meditsinalyq kómek;
- - Qan preparattarymen qamtamasyz etý;
- - Palliativtik kómek jáne aýyr patsientterge uzaq merzimdi kútim.
Al shetelde qalai?
Tegin memlekettik meditsinalyq kómektiń biryńǵai paketi:
- * Reseide - sanitariialyq aviatsiia, AITV/JITS, jynystyq jolmen beriletin infektsiialar, týberkýlez jáne psihikalyq aýrýlar;
- * Estoniiadaǵy meditsinalyq kómek – Jedel meditsinalyq kómek, AITV/JITS, infektsiialar, týberkýlez jáne psihikalyq aýrýlar;
- * Litvadaǵy meditsinalyq kómek - tek jedel meditsinalyq kómek;
- * Germaniia men Niderlandyda tek meiirgerlik kútim.
