2019 jyldyń 1-31 jeltoqsany aralyǵynda «Áleýmettik meditsinalyq saqtandyrý qoryna» 12,6 mlrd teńge tústi. Bul týraly qordyń Jurtshylyqpen bailanys departamentinen málim etti, dep habarlaidy "Ult aqparat".
«Al júie iske qosylǵan 2017 jyldyń 1 shildesi men 2019 jyldyń 31 jeltoqsany aralyǵynda jumys berýshiler men jekemenshik kásipkerlerden mindetti áleýmettik meditsinalyq saqtandyrýǵa (MÁMS) túsken aýdarymdar men jarnalardyń jalpy somasy 246,9 mlrd teńgeni qurady. Onyń 237,7 mlrd teńgesi (96,3%) jumys berýshilerdiń aýdarymdary bolsa, qalǵan 9,2 mlrd teńge (3,7% jýyǵy) – jeke kásipkerler men azamattyq-quqyqtyq kelisimshart negizinde eńbek etetin tulǵalarǵa tiesili», - delingen aqparatta.
Aimaqtyq turǵydan alǵanda, jarna tóleý jaǵynan burynǵysha Almaty, Nur-Sultan qalalary men Qaraǵandy oblysy kósh bastap tur.
Atap ótilgendei, jinaqtalǵan qarjy Ulttyq bankte saqtalady.
«Bolashaqta MÁMS paketi sheńberindegi qyzmetter aqysyn tóleýge jumsalady. Elimizdiń bas bankimen qarjyny senimgerlik basqarý týraly kelisim bekitilgen», - dedi «Áleýmettik meditsinalyq saqtandyrý qory» KEAQ Jurtshylyqpen bailanys departamentinen.
