Mindetti áleýmettik meditsinalyq saqtandyrý boiynsha halyqtyń aryz-shaǵymyn qabyldaityn Qoldau 24/7 mobildi qosymshasy iske qosyldy, dep habarlaidy "Ult aqparat".
Búgingi tańda MÁMS júiesi iske qosylǵannan beri Áleýmettik meditsinalyq saqtandyrý qorynyń biryńǵai bailanys ortalyǵyna 1406 nómirine 40 myńnan astam qońyraý tústi.
Habarlasqandardyń basym kópshiligi - Nur-Sultan, Almaty qalalary men Qaraǵandy jáne Shyǵys Qazaqstan oblystarynyń turǵyndary.
Atap aitqanda, onyń 3% ǵana - shaǵymdar. Qalǵany konsýltativtik sipatta.
Áleýmettik meditsinalyq saqtandyrý qory halyqpen keri bailanystyń birneshe túrin usynady. Endi patsientter jańa «Qoldau-24/7» mobildi qosymshasynyń kómegimen shaǵym qaldyra alady.
«Turǵyndardan túsken barlyq shaǵymdar tirkeýge alynyp, ári qarai óńdelip, joldanymdar tizimine engiziledi. Qajet bolǵan jaǵdaida, joldanymdar belgilengen merzimde taldaýdan ótip, sheshim qabyldaný úshin sarapshy mamandarǵa jiberiledi. Sonymen qatar patsientter qordyń ár aimaqtyq filialynda uiymdastyrylǵan azamattardy qabyldaý bólmelerine júgine alady», – dep túsindirdi Áleýmettik meditsinalyq saqtandyrý qory.
Áleýmettik meditsinalyq saqtandyrý qory júieli túrde turǵyndardan kelip túsken joldanymdardy muqiiat qadaǵalap, apta saiyn eń mańyzdy suraqtar jinaǵy saraptamadan ótip, olar boiynsha júieli sheshimder qabyldaidy.
