مٸندەتتٸ ەلەۋمەتتٸك مەديتسينالىق ساقتاندىرۋ بويىنشا حالىقتىڭ ارىز-شاعىمىن قابىلدايتىن Qoldau 24/7 موبيلدٸ قوسىمشاسى ٸسكە قوسىلدى, دەپ حابارلايدى "ۇلت اقپارات".
بٷگٸنگٸ تاڭدا مەمس جٷيەسٸ ٸسكە قوسىلعاننان بەرٸ ەلەۋمەتتٸك مەديتسينالىق ساقتاندىرۋ قورىنىڭ بٸرىڭعاي بايلانىس ورتالىعىنا 1406 نٶمٸرٸنە 40 مىڭنان استام قوڭىراۋ تٷستٸ.
حابارلاسقانداردىڭ باسىم كٶپشٸلٸگٸ - نۇر-سۇلتان, الماتى قالالارى مەن قاراعاندى جەنە شىعىس قازاقستان وبلىستارىنىڭ تۇرعىندارى.
اتاپ ايتقاندا, ونىڭ 3% عانا - شاعىمدار. قالعانى كونسۋلتاتيۆتٸك سيپاتتا.
ەلەۋمەتتٸك مەديتسينالىق ساقتاندىرۋ قورى حالىقپەن كەرٸ بايلانىستىڭ بٸرنەشە تٷرٸن ۇسىنادى. ەندٸ پاتسيەنتتەر جاڭا «Qoldau-24/7» موبيلدٸ قوسىمشاسىنىڭ كٶمەگٸمەن شاعىم قالدىرا الادى.
«تۇرعىنداردان تٷسكەن بارلىق شاعىمدار تٸركەۋگە الىنىپ, ەرٸ قاراي ٶڭدەلٸپ, جولدانىمدار تٸزٸمٸنە ەنگٸزٸلەدٸ. قاجەت بولعان جاعدايدا, جولدانىمدار بەلگٸلەنگەن مەرزٸمدە تالداۋدان ٶتٸپ, شەشٸم قابىلدانۋ ٷشٸن ساراپشى ماماندارعا جٸبەرٸلەدٸ. سونىمەن قاتار پاتسيەنتتەر قوردىڭ ەر ايماقتىق فيليالىندا ۇيىمداستىرىلعان ازاماتتاردى قابىلداۋ بٶلمەلەرٸنە جٷگٸنە الادى», – دەپ تٷسٸندٸردٸ ەلەۋمەتتٸك مەديتسينالىق ساقتاندىرۋ قورى.
ەلەۋمەتتٸك مەديتسينالىق ساقتاندىرۋ قورى جٷيەلٸ تٷردە تۇرعىنداردان كەلٸپ تٷسكەن جولدانىمداردى مۇقييات قاداعالاپ, اپتا سايىن ەڭ ماڭىزدى سۇراقتار جيناعى ساراپتامادان ٶتٸپ, ولار بويىنشا جٷيەلٸ شەشٸمدەر قابىلدايدى.
