QR Premer-Ministri Asqar Mamin Aqmola oblysyna jumys sapary aiasynda óńirdiń áleýmettik-ekonomikalyq damýymen tanysty, dep habarlaidy Premer-Ministrdiń baspasóz qyzmeti.
Stepnogor qalasynda Úkimet basshysy agroónerkásiptik sektor, himiia ónerkásibi jáne taý-ken metallýrgiia kesheni kásiporyndaryna – «Qazaqstannyń jylyjai tehnologiialary», «Stepnogor» EMK» moiyntirek zaýytyna, pestitsidterdi shyǵaratyn «Astana-Nan Chemicals» zaýytyna, «Stepnogor taý-ken himiia kombinatyna», «Qazaqaltyn Technology» jáne «Aqsý Technology» kásiporyndaryna bardy.
Kókshetaý qalasynda Premer-Ministr 200 tósek ornyna arnalǵan modýldi juqpaly aýrýlar aýrýhanasyn, óńirge jetkizilgen elimizde qurastyrylǵan jyljymaly meditsinalyq keshenderdi, jedel járdem mashinalaryn qarap shyqty.
Úkimet basshysyna óńirdegi sanitarlyq-epidemiologiialyq jaǵdai jáne koronavirýs infektsiiasynyń jańa tolqynyna daiyndyq sharalary týraly baiandaldy.
A. Mamin qalanyń áleýmettik, turǵyn úi jáne kólik infraqurylymy obektileriniń salyný barysymen, iske asyrylyp jatqan jáne perspektivaly investitsiialyq jobalarmen, sondai-aq osy jylǵy qarasha aiynda ótetin QR men RF aimaqaralyq yntymaqtastyq forýmyna daiyndyq jumystarymen tanysty.
Kókshetaý qalasy ekonomikasynyń qala quraýshy salalary — mashina jasaý, qurylys indýstriiasy, azyq-túlik jáne jeńil ónerkásip, kólik-logistika qyzmetteri. 2020 jyldyń 10 aiynda qalada ónerkásiptik óndiris kólemi 41,4%-ǵa – 108,1 mlrd teńgege deiin, investitsiia kólemi 1,7 ese – 49,8 mlrd teńgege deiin, qurylys jumystary 1,9 ese – 25,9 mlrd teńgege deiin ósti.
Býrabai aýdanynyń Shýchinsk qalasynda Premer-Ministr «IQanat High School of Burabay» mektebine baryp, Býrabai k. týristik infraqurylymyn damytý máseleleri jóninde keńes ótkizdi.
Úkimet basshysy Shýchinsk – Býrabai kýrorttyq aimaǵyn damytýdyń 2012-2020 jyldarǵa arnalǵan jospary aiasynda kózdelgen barlyq is-sharalardy aiaqtaý, sonymen qatar Týrizm salasyn damytýdyń memlekettik baǵdarlamasyn iske asyrý jónindegi jumysty jandandyrý qajettigin atap ótti.
2020 jyldyń 10 aiynda Aqmola oblysynda aýyl sharýashylyǵynyń jalpy ónim kólemi 18,1%-ǵa – 509,7 mlrd teńgege deiin, ónerkásiptik óndiris 6,8%-ǵa – 732 mlrd teńgege deiin, negizgi kapitalǵa salynǵan investitsiialar 23%-ǵa – 297,6 mlrd teńgege deiin artty.
