Jer ýchaskelerine ruqsat qujattaryn berý merzimin 1 jyldan 20 kúnge deiin qysqartý jumystaryn aiaqtaý qajet. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
Asqar Mamin agroónerkásip keshenin tsifrlandyrý jol kartasyn ázirleýdi tapsyrdy
«Aýyl sharýashylyǵy, Tsifrlyq damý ministrlikterine, óńirlerdiń ákimdikterine jyldyń aiaǵyna deiin Agroónerkásip kesheni men jer qatynastaryn odan ári tsifrlandyrý jónindegi jol kartasyn ázirleýdi tapsyramyn. Bailanys qyzmetteriniń qoljetimdiligi men sapasyna asa nazar aýdarý qajet. Sebebi onsyz zamanaýi tsifrlyq tehnologiialardy paidalaný múmkin emes», - dedi Asqar Mamin.
Sonymen qatar ol biyl jerlerdi ǵaryshtan monitoringileý boiynsha pilottyq joba júrgizilip jatqanyn atap ótti. 2021 jyldyń aiaǵyna deiin búkil respýblikaǵa 100 paiyz taratý úshin bul jumysty kelesi jyly da jalǵastyrý qajettigin eskertti.
«Tsifrlyq damý, Aýyl sharýashylyǵy ministrlikteri men ákimdikter kelesi jyly jer qatynastaryn tsifrlandyrý, jer ýchaskelerin esepke alý men resimdeý protsesiniń ashyqtyǵyn arttyrý, jer ýchaskelerine ruqsat qujattaryn berý merzimin 1 jyldan 20 kúnge deiin qysqartý jumystaryn aiaqtasyn»,- dedi Úkimet basshysy.
