جەر ۋچاسكەلەرٸنە رۇقسات قۇجاتتارىن بەرۋ مەرزٸمٸن 1 جىلدان 20 كٷنگە دەيٸن قىسقارتۋ جۇمىستارىن اياقتاۋ قاجەت. بۇل تۋرالى بٷگٸن ٷكٸمەت وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى "ۇلت اقپارات".
اسقار مامين اگروٶنەركەسٸپ كەشەنٸن تسيفرلاندىرۋ جول كارتاسىن ەزٸرلەۋدٸ تاپسىردى
«اۋىل شارۋاشىلىعى, تسيفرلىق دامۋ مينيسترلٸكتەرٸنە, ٶڭٸرلەردٸڭ ەكٸمدٸكتەرٸنە جىلدىڭ اياعىنا دەيٸن اگروٶنەركەسٸپ كەشەنٸ مەن جەر قاتىناستارىن ودان ەرٸ تسيفرلاندىرۋ جٶنٸندەگٸ جول كارتاسىن ەزٸرلەۋدٸ تاپسىرامىن. بايلانىس قىزمەتتەرٸنٸڭ قولجەتٸمدٸلٸگٸ مەن ساپاسىنا اسا نازار اۋدارۋ قاجەت. سەبەبٸ ونسىز زاماناۋي تسيفرلىق تەحنولوگييالاردى پايدالانۋ مٷمكٸن ەمەس», - دەدٸ اسقار مامين.
سونىمەن قاتار ول بيىل جەرلەردٸ عارىشتان مونيتورينگٸلەۋ بويىنشا پيلوتتىق جوبا جٷرگٸزٸلٸپ جاتقانىن اتاپ ٶتتٸ. 2021 جىلدىڭ اياعىنا دەيٸن بٷكٸل رەسپۋبليكاعا 100 پايىز تاراتۋ ٷشٸن بۇل جۇمىستى كەلەسٸ جىلى دا جالعاستىرۋ قاجەتتٸگٸن ەسكەرتتٸ.
«تسيفرلىق دامۋ, اۋىل شارۋاشىلىعى مينيسترلٸكتەرٸ مەن ەكٸمدٸكتەر كەلەسٸ جىلى جەر قاتىناستارىن تسيفرلاندىرۋ, جەر ۋچاسكەلەرٸن ەسەپكە الۋ مەن رەسٸمدەۋ پروتسەسٸنٸڭ اشىقتىعىن ارتتىرۋ, جەر ۋچاسكەلەرٸنە رۇقسات قۇجاتتارىن بەرۋ مەرزٸمٸن 1 جىلدان 20 كٷنگە دەيٸن قىسقارتۋ جۇمىستارىن اياقتاسىن»,- دەدٸ ٷكٸمەت باسشىسى.
