2020 jyly zań jobalaryn engizý merzimderi buzylǵan jaǵdaida tikelei birinshi basshylardyń jaýapkershiligi qaralady. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Biylǵy jyldyń josparyna 32 zań jobasy kirdi. Olardyń barlyǵy Parlamentke engizildi. Ázirlengen zań jobalarynyń arasynda mańyzdylary retinde «Pedagog mártebesi týraly», «Halyq densaýlyǵy jáne densaýlyq saqtaý júiesi týraly» kodeksti, Ekologiialyq kodeksti jáne basqalaryn atap ótý kerek. Sonymen qatar, josparǵa ázirleýshi organdardyń bastamasymen biylǵy jyly birneshe ret ózgerister engizilgenin atap ótkim keledi. Olar zań jobalaryn Úkimet pen Parlamentke engizý merzimderin aýystyrýǵa jáne zań jobalaryn qosýǵa bailanysty boldy. Osy rette zań jobalaryn engizý merzimderin saqtalýyn qamtamasyz etip, zań jobalarynyń sapasyna asa nazar aýdarý qajet.
Premer-Ministr memlekettik organdardyń birinshi basshylaryna zań jobalaý jumysyn jeke baqylaýǵa alýdy tapsyrdy.
«Budan bylai josparly zań jobalaryn engizý merzimderi buzylǵan jaǵdaida tikelei birinshi basshylardyń jaýapkershiligi qaralatyn bolady. 2020 jylǵa arnalǵan jospar jobasyna ózekti jáne mańyzdy máselelerdi sheshýge, Elbasy men Prezident tapsyrmalaryn oryndaýǵa 17 zań jobasy engizildi. Jańa zań jobalary ázirlenedi. Onyń ishinde«Ardagerler týraly», «Ósimdikter álemi týraly» jáne qoldanystaǵy zańnamaǵa ózgerister engizýdi kózdeitin taǵy da basqa birqatar zań jobalary bar», - dedi Asqar Mamin.
Aita keteiik, Úkimet otyrysynda QR Ádilet ministri Marat Beketaev zań jobalaý jumystarynyń 2019 jylǵa arnalǵan josparynyń oryndalý barysy jáne 2020 jylǵa arnalǵan jospar jobasy týraly baiandaǵan edi.
.jpeg)