2019 jylǵy 10-11 qarashada Qazaqstan Respýblikasynyń Premer-Ministri Asqar Mamin Túrkiia Respýblikasyna jumys sapary aiasynda Caýda-ekonomikalyq yntymaqtastyq jónindegi Qazaqstan–Túrkiia úkimetaralyq komissiiasynyń XI otyrysyna jáne Qazaqstan–Túrkiia biznes-forýmyna qatysady, dep habarlaidy "Ult aqparat" Úkimet basshysynyń resmi saityna silteme jasap.
Sapar barysynda Qazaqstan Úkimetiniń basshysy Asqar Mamin men Túrkiia Respýblikasynyń Prezidenti Rejep Erdoǵannyń kezdesýi josparlanǵan.
Qazaqstan–Túrkiia biznes-forýmyna 150-den astam qazaqstandyq jáne 700 túrik kompaniiasynyń ókilderi qatysady. Forým jumysy aiasynda QR Premer-Ministri Asqar Mamin túrik biznesiniń kóshbasshylarymen, onyń ishinde Yildirim, Ronesans, Kibar, Calik, Koc, Zorlu, Eczacibasi holdingteriniń basshylyqtarymen birqatar kezdesýler ótkizedi.
Forým qorytyndysy boiynsha densaýlyq saqtaý infraqurylymyn damytý, týrizmdi, turǵyn úi qurylysyn, sondai-aq, kóliktik-logistikalyq sektordy damytý salasyndaǵy yntymaqtastyq týraly 20-ǵa jýyq qujatqa qol qoiý josparlanǵan.
