«Nur Otan» partiiasynyń Tóraǵasy Nursultan Nazarbaev partiianyń Saiasi keńesi Biýrosynyń múshesi, Premer-Ministr Asqar Mamindi qabyldady. Bul týraly elbasy.kz saity habarlady.
Kezdesýde Qazaqstannyń Tuńǵysh Prezidentine partiianyń «Ózgerister joly: Ár azamatqa laiyqty ómir!» sailaýaldy baǵdarlamasyn oryndaýǵa baǵyttalǵan Jol kartasyn júzege asyrý boiynsha josparlanǵan sharalar týraly baiandaldy.
Sondai-aq Elbasyǵa jahandyq pandemiia saldarynan týyndaǵan daǵdarys jaǵdaiynda ulttyq ekonomikanyń turaqtylyǵyn saqtaý úshin atqarylyp jatqan jumystar jóninde málimet berildi.
«Úkimet aldynda ekonomikanyń 3 paiyzdan artyq ósimin qamtamasyz etý mindeti tur. Búginde óńdeý ónerkásibi, qurylys jáne aýyl sharýashylyǵy negizgi draiverler bolyp sanalady. Qyzmet kórsetý sektory qalpyna kele bastady. Kásipkerlik sýbektilerin qoldaý úshin iskerlik belsendilikti yntalandyrý sharalary úsh baǵytta júrgiziledi. Ol – qarjylandyrýdyń qoljetimdiligin qamtamasyz etý, bizneske túsetin aýyrtpalyqty azaitý jáne ótkizý naryqtarynyń qoljetimdiligin keńeitý», – dedi Asqar Mamin.
Sonymen qatar kezdesý barysynda ulttyq ekonomikaǵa investitsiia tartý jumysynyń mańyzy atap ótildi.
