QR Premer-Ministri Asqar Mamin beinekonferentsiia bailanysy rejiminde Táýelsiz Memleketter Dostastyǵy (TMD) Úkimet basshylary keńesiniń (ÚBK) otyrysyna qatysty, dep habarlaidy primeminister.kz.
Qazaqstan Úkimetiniń basshysy COVID-19 taralýymen kúresý, ekonomikany turaqtandyrý, óndiristiń jańa qurylymyn qalyptastyrý, turǵyndar men biznesti qoldaý boiynsha Qazaqstannyń qabyldap jatqan sharalary týraly habarlady. Bul rette ol ulttyq ekonomika deńgeiinde ǵana emes, tutas TMD aiasynda da daǵdarysqa qarsy sharalardy qabyldaýdy odan ári jalǵastyrýdyń qajettigin atap ótti.
QR Premer-Ministri ulttyq ekonomika aiasynda da, sondai-aq búkil Dostastyq formatynda da daǵdarys kórinisterine qarsy turaqtylyq býferlerin ujymdyq qalyptastyrýdy TMD úshin negizgi mindet retinde atady. Bul turǵyda Úkimet basshysy 2030 jylǵa deiingi TMD ekonomikalyq damý strategiiasyn ázirleý boiynsha jasalyp jatqan jumystardy atap ótti, onda saýda, ónerkásip, energetika, kólik, infraqurylym, agroónerkásip kesheni, shaǵyn jáne orta biznes, tsifrlandyrý jáne basqa da yntymaqtastyq salalary qamtylǵan.
«Qalyptasyp otyrǵan dinamikany eskere otyryp, elderimizdiń ózin-ózi qamtamasyz etý faktoryn kúsheitý qajet. Eń aldymen, bul azyq-túlikpen qamtamasyz etý máselelerine qatysty – biz ónimderdi jetkizýdiń turaqtylyǵy az jáne geografiialyq bytyrańqy tizbegine táýeldilikti tómendetýimiz kerek», — dedi A. Mamin.
Premer-Ministr Dostastyq elderiniń paidasy úshin taýarlar men qyzmetter saýdasynyń iri eksporttyq jáne importtyq aǵyndaryn qaita baǵdarlaý jóninde sharalar qabyldaýdyń, syrtqy jáne ishki investitsiialardy, aldyńǵy qatarly tehnologiialardy tartý jumystaryn kúsheitýdiń, tranzittik saýdadaǵy kedergilerdi júieleýdiń jáne olardy azaitýdyń, TMD-ǵa qatysýshy elderdiń ekonomikasynyń básekelestik artyqshylyqtary negizinde óndiristik protsesterdi óńirlendirýdiń qajettigin atap ótti.
Sonymen qatar otyrysqa Ázerbaijan Premer-Ministri Ali Idoiat oglý Asadov, Belarýs Premer-Ministri – Sergei Rýmas, Moldova Premer-Ministri – Ion Kiký, Resei Premer-Ministri – Mihail Mishýstin, Tájikstan Premer-Ministri – Kohir Rasýlzoda, Ózbekstan Premer-Ministri – Abdýlla Aripov, Armeniia vitse-premer-ministri Mger Grigorian, Qyrǵyzstan vitse-premer-ministri Erkin Asrandiev jáne Túrikmenstan ministrler kabinetiniń tóraǵasynyń orynbasary Rashid Meredov qatysty.
Otyrysqa qatysýshylar TMD aiasyndaǵy ekonomikalyq ózara is-qimyldyń ózekti máselelerin, COVID-19 koronavirýs infektsiiasynyń taralýymen kúres jónindegi birlesken kúsh-jiger, sondai-aq 2030 jylǵa deiingi TMD ekonomikalyq damý strategiiasynyń jobasyn talqylady.
TMD ÚBK otyrysynyń qorytyndysy boiynsha qarýly kúshter bailanysynyń birlesken (biriktirilgen) júiesi týraly, TMD Jelilik ýniversitetin qurý jáne iske qosý týraly kelisimder, 2030 jylǵa deiin kólik, jastar saiasaty, týrizm, sport, mádeniet jáne t. b. salalardaǵy yntymaqtastyq strategiiasy jáne basym baǵyttar týraly sheshimder qabyldandy.
