Sý tasqyny qaýpi bolǵanda halyqty habardar etý jumysyn belsendi júrgizýi qajet. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Tótenshe jaǵdailar ministrligi ákimdermen birlesip, tiisti jedel shtabtar qurýdy, aldaǵy sý tasqyny kezeńine kúsh pen quraldardyń daiyndyǵyn jáne sý tasqyny qaýpi bolǵan jaǵdaida halyqty ýaqytyly habardar etýdi qamtamasyz etsin», - dedi Úkimet basshysy.
Asqar Maminniń aitýynsha, tótenshe jaǵdaida jedel shara qabyldanýy tiis.
«Jalpy Tótenshe jaǵdailar ministrligi ákimdiktermen birlesip, sý tasqyny qaýpi bolǵanda nemese sý basqan jaǵdaidaǵy is-áreket barysy jaily halyqty habardar etý jumysyn belsendi júrgizýi qajet. Aqparat ministrligi osy máselede járdemdessin. Osy másele boiynsha úilestirý Roman Vasilevichte», - dedi Asqar Mamin orynbasary Roman Skliarǵa qarata.
